א שרעקליכע טראגעדיע האט פאסירט היינט אין די טשעסנאט רידזש געגנט אין מאנסי, ווען א אינגערמאן איז געווען פארמישט אין א שווערע עקסידענט זייענדיג אויפן וועג צו גיין לערנען אין כולל, און איז ליידער נפטר געווארן פון די שווערע וואונדן ה"י.
דער אינגערמאן ר' ישראל מאיר פריימאן ע"ה, ניין און צוואנציג יאר אלט, איז געפארן אויף סאוט פעסקעק ראוד אין טשעסנאט רידזש, מיטאמאל האט א גרויסע בוים געטראסקעט גראד אויף זיין קאר ארויף, און א גרויסע שטיק האלץ האט אריינגעשניטן אין די פאדערשטע פענסטער און געלאנדעט אויפן דרייווער'ס קאפ. ער האט באלד פארלוירן קאנטראל און אריינגעקראכט אין די זייט פון די ראוד, זייענדיג קריטיש פארוואונדעט פון די שווערע זעץ.
עטליכע שעה האט מען פרובירט צו ראטעווען זיין לעבן, סיי די הצלה לייט אויפן סצענע און סיי דאקטוירים אין די וועסטשעסטער שפיטאל, ליידער איז ער אבער נפטר געווארן אין אפעראציע צימער צום טיפן שאק פון אלע באקאנטע, זיין משפחה און קינדערלעך און אלע גוטע פריינט.
