שמחת בית וויזניץ: עס איז געשלאסן געווארן די שידוך פונעם חתן א זון פון הגה"צ ר' ברוך שמעון ארנסטר שליט"א, זון פון הגה"צ ר' מנחם ארנסטר שליט"א ראש ישיבת וויזניץ, און איידעם ביי הגה"צ ר' שמואל לוריא שליט"א דומ"ץ וויזניץ אנטווערפן, מיט די כלה א טאכטער פון הגה"צ ר' חיים מאיר האגער שליט"א, בנו יחידו פון כ"ק אדמו"ר מוויזניץ שליט"א פון וויליאמסבורג, און איידעם ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מוויזניץ שליט"א לרפו"ש.
עס איז געשלאסן געווארן די שידוך פונעם חתן א זון פון הגה"צ ר' משה כ"ץ שליט"א, זון פון הגה"צ ר' זושא כ"ץ שליט"א אבד"ק ראצפערט, און איידעם ביי הגה"צ ר' יוסף ברוך יאזעפאוויטש שליט"א אבד"ק צלותא דשלמה, מיט די כלה א טאכטער פון הגה"צ ר' נפתלי וואגשאהל שליט"א, זון פון הגה"צ אבד"ק תפארת משה וומס"ב שליט"א, און איידעם ביי הגה"צ אבד"ק לאנצוהט וומס"ב שליט"א.
כ"ק אדמו"ר מסאטמאר שליט"א קומט היינט אן אויף די געהויבענע מסע הקודש קיין ארץ ישראל, מחזק צו זיין קהל עדת צאן מרעיתו תושבי ארץ הקודש, און פראווענען א געהויבענע שבת אין אתרא קדישא מירון. היינט אויפדערנאכט וועט פארקומען א גרויסע מעמד קבלת פנים בעיר הקודש ירושלים, אינאיינעם מיט די מעמד סיום כתיבת האותיות פאר די ספר תורה וואס ווערט אריינגעגעבן מארגן דינסטאג צום סאטמארער בית המדרש אין ירושלים.
כ"ק אדמו"ר מצעהלים שליט"א קומט היינט אן אויף א לענגערע באזוך קיין ארץ ישראל, וואו דער רבי וועט וויילן בעיר הקודש ירושלים פאר די קומענדיגע דריי וואכן.
כ"ק אדמו"ר מקוסוב וויזניץ שליט"א לאזט זיך היינט ארויס אויף א נסיעה צו די מקומות הקדושים אין אייראפע, לקראת די שמחת החתונה פון א אייניקל וואס קומט פאר קומענדיגן חודש טבת.
הגה"צ אבד"ק סאטמאר וומס"ב שליט"א פארט היינט ארויס אויף א נסיעה צו די מקומות הקדושים אין אייראפע, לקראת די שמחת החתונה פונעם עלטסטן אייניקל וואס קומט פאר אין צוויי וואכן ארום.
היינט נאכט ז"ך חשון געפאלט די יומא דהילולא קדישא פון כ"ק אדמו"ר הרה"ק רבי יענקעלע מפשעווארסק זי"ע, בנו ממלא מקומו כ"ק אדמו"ר מפשעווארסק שליט"א וועט אפרעכטן די יארצייט טיש היינט אויפדערנאכט אין זאל פון בית רחל אין אנטווערפן, אינאיינעם מיט די יערליכע דינער לטובת כולל אהל יעקב פשעווארסק.
היינט קומט פאר די מעמד כתר תורה, לכבודם פון די חברי ורבני כולל עדת יראים וויען, אין זאל פון בית יעקב בבנין החדש פון מוסדות וויען אין וויליאמסבורג, אין שפיץ פון כ"ק אדמו"ר מוויען שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
