כ"ק אדמו"ר מסאטמאר שליט"א וועלכער איז אנגעקומען אויף די געהויבענע מסע הקודש קיין ארץ ישראל, וועט היינט אנקומען אויף א ביקור חיזוק בקרב חסידיו אין שטאט בית שמש, און באשיינען א מעמד הכנסת ספר תורה צום סאטמארער בית המדרש אין בית שמש. דורכאויס די טאג וועט דער רבי באזוכן אין די קהילה און מוסדות, און אויפנעמען די חסידים תושבי העיר.
כ"ק אדמו"ר מבאסטאן שליט"א לאזט זיך היינט ארויס אויף א לענגערע נסיעה קיין ארץ ישראל, צו באשיינען עטליכע שמחות במעון קדשו וואס קומט פאר אין די קומענדיגע וואכן.
ככלות השלושים צו די פטירה פון הגה"צ גאב"ד ראדאמישלא רמות זצ"ל, קומט היינט פאר אן עצרת מספד ונחמה בבית מדרשו אין די רמות ג' געגנט אין ירושלים, וואו עס וועלן אויפטרעטן די מחותנים כ"ק האדמורי"ם מסטראפקוב און קאסאני בית שמש שליט"א, הגה"צ המשפיע ר' אלימלך בידערמאן שליט"א, הגאון ר' פנחס ברויער שליט"א ר"י כנסת אליהו, חתנו הגה"צ אב"ד קרית צאנז נתני' שליט"א, און בנו ממלא מקומו הגה"צ גאב"ד ראדאמישלא רמות שליט"א.
היינט קומט פאר א ספעציעלע כינוס ואסיפת הדרכה אוועקצושטעלן די נייע חבורה קנין ש"ס און חבורת ש"ס אידן במסגרת הלימוד תורתך שעשועי דחסידי תולדות אהרן, אין שפיץ פון כ"ק אדמו"ר מתולדות אהרן שליט"א.
היינט קומט פאר א גרויסער כינוס פאר כלל חסידי וויזניץ בית שמש, צום התייסדות פון א נייע ישוב פאר חסידי וויזניץ אין שטאט עמנואל, עס קומט פאר אין ביהמ"ד הגדול וויזניץ אין בית שמש, אין שפיץ פון כ"ק אדמו"ר מוויזניץ שליט"א פון בית שמש.
עס איז געשלאסן געווארן די שידוך פונעם חתן א זון פון הגה"צ ר' איתמר ראזענבוים שליט"א אבד"ק אור מרדכי טשעסנאט רידזש, זון פון כ"ק אדמו"ר מסטראזשניץ שליט"א, און איידעם ביי הגה"צ אבד"ק סאלקא שליט"א, מיט די כלה א טאכטער פון הגה"צ ר' דוד בעק שליט"א, זון פון כ"ק אדמו"ר מטשערקאס שליט"א, און איידעם ביי כ"ק אדמו"ר מקליוולאנד שליט"א.
עס איז געשלאסן געווארן די שידוך פונעם חתן א זון פון הגה"צ ר' יואל אויש שליט"א, זון פון הגה"צ ר' חיים אויש שליט"א אבד"ק וואולקאן, און איידעם ביי הגה"צ ר' אלי' קופפערמאן שליט"א אבד"ק סוכוטשוב, מיט די כלה א טאכטער פון הגה"צ ר' מנחם יהושע הורוויץ שליט"א, איידעם ביי הגה"צ ר' משה יהושע האלבערשטאם שליט"א אבד"ק סארוואש, איידעם ביי כ"ק אדמו"ר מטשענסקאוויץ פאקשעוויץ שליט"א.
היינט קומט פאר די שמחת הבר מצוה פון הב' אלימלך אשכנזי נ"י, זון פון כ"ק אדמו"ר מאלעסק שליט"א, איידעם ביי כ"ק אדמו"ר מחוסט שליט"א פון בארא פארק. – די שמחה קומט פאר אין ביהמ"ד קהל לב שמח אלעסק אין בארא פארק.
היינט קומט פאר די שמחת הברית פון א אייניקל ביי כ"ק אדמו"ר מראפשיץ שליט"א, בן הנולד ביי זיין זון הגה"צ ר' יואל אברהם שמחה רובין שליט"א אב"ד ריינזוב, איידעם ביי הגה"צ ר' מנחם מענדיל שטיין שליט"א אב"ד סאווראן, זון פון הגה"צ גאב"ד פאלטישאן זצ"ל. – די שמחה קומט פאר אין ביהמ"ד ראפשיץ אין בארא פארק.
ניחום אבלים:
צו די פטירה פון הרבנית הצדיקת מזידטשויב פרעמיסלא ע"ה, זיצן שבעה די בני המשפחה אין איר שטוב אויף גראוו סטריט אין מאנסי, בעלה הגדול כ"ק אדמו"ר מזידטשויב פרעמיסלא שליט"א און זיינע קינדער, איר פאטער הגה"צ ר' יחזקי' יעקב פיש שליט"א אבד"ק סאלקא און זיינע קינדער.
אריינצושיקן מודעות און נייעס, שיקט אן אימעיל צו NEWS@JDNMAIL.COM
