א שרעקליכע עקסידענט האט פאסירט היינט צופרי אויף די גארדען סטעיט פארקוועי אין ניו דזשערזי, וואו א היימישער בחור פון לעיקוואד איז ל"ע טראגיש אומגעקומען, ווען זיין קאר איז ארויף אין העלישע פלאמען רח"ל.
הב' אלחנן פאסטען ע"ה ניינצן יאר אלט, א זון פון הרב החסיד ר' בנציון פאסטען הי"ו פון לעיקוואד, איז געווען אונטערוועגנס פון בארא פארק קיין לעיקוואד, זייענדיג נעבן עקזיט 120 אויף די גארדען סטעיט פארקוועי איז ער ל"ע געווען פארמישט אין א שרעקליכע עקסידענט, פון וואס די קאר איז איינגעהילט געווארן אין העלישע פלאמען.
לאנגע שעות האט געדויערט ביז די עמערדזשענסי באאמטע האבן באוויזן צו אידענטיפיצירן דעם נפטר ל"ע, און אצינד איז געמאלדן געווארן די ביטערע נייעס איבער זיין טראגישע פטירה.
