שמחת בית טשערנאביל: עס איז געשלאסן געווארן די שידוך פון חתן כלה אייניקלעך ביי כ"ק אדמו"ר מטשערנאביל שליט"א, די חתן א זון פון זיין זון הגה"צ ר' אהרן טווערסקי שליט"א אבד"ק טשערנאביל ירושלים, איידעם ביי הגה"צ ר' מרדכי טווערסקי זצ"ל, בנו הגדול פון כ"ק אדמו"ר מראחמיסטריווקא זצ"ל, מיט די כלה א טאכטער פון זיין יונגסטן איידעם הגה"צ ר' חיים מאיר טווערסקי שליט"א, זון פון הגה"צ ר' נחמן יוסף טווערסקי שליט"א אבד"ק זלאטיפאלי, איידעם ביי כ"ק אדמו"ר בעל תורת מרדכי מוויזניץ זצ"ל.
היינט קומט פאר די שמחת החתונה פונעם חתן א זון פון הגה"צ ר' יעקב יהושע שטערן שליט"א, זון פון הגה"צ ר' שמואל אליעזר שטערן שליט"א גאב"ד מערב בני ברק, און איידעם ביי הגה"צ ר' שמעון סופר זצ"ל אבד"ק תורת משה ערלוי צפת, מיט די כלה א טאכטער פון כ"ק אדמו"ר מתולדות משה שליט"א, אייניקל פון כ"ק אדמו"ר מהאלמין שליט"א. – די שמחת החתונה קומט פאר אינעם גרויסן אודיטוריום אין רמת אלחנן געגנט אין בני ברק.
היינט קומט פאר די סעודת עניים לקראת די שמחת החתונה פון די כלה יונגסטע קינד ביי הגה"צ ר' יצחק טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מוויזניץ שליט"א, מיט די חתן א זון פון הרב דוד גראס שליט"א ראה"כ סקווירא בני ברק. די שמחה קומט פאר אין זאל פון מלון אין שיכון סקווירא.
היינט קומט פאר די שמחת הבר מצוה פון א אור אייניקל ביי כ"ק אדמו"ר מסקווירא שליט"א, אייניקל פון זיין איידעם הגה"צ ר' יעקב יוסף האגער שליט"א, בנו הגדול פון כ"ק אדמו"ר מוויזניץ שליט"א פון מאנסי, א זון פון זיין זון הרב בערל האגער שליט"א, איידעם ביי הגה"צ ר' דוד צבי כהנא שליט"א, איידעם ביי הגה"צ אבד"ק ראחמיסטריווקא מאנסי שליט"א. – די מעמד הנחת תפילין קומט פאר אין ביהמ"ד הגדול אין שיכון סקווירא, נאכגעפאלגט מיטן מסיבת לחיים נאכן דאווענען אין ביהמ"ד הגדול, און די סעודת מצוה שפעטער ביינאכט אין ביהמ"ד הגדול וויזניץ אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מוויזניץ שליט"א פון וויליאמסבורג, א זון פון זיין איידעם הגה"צ ר' חיים מאיר האגער שליט"א, זון פון כ"ק אדמו"ר מוויזניץ שליט"א פון מאנטריאל. – די שמחה קומט פאר אין זאל פון בנות ישראל וויזניץ אויף 229 מעיפל אין מאנסי.
היינט קומט פאר די שמחת הברית פון א אייניקל ביי כ"ק אדמו"ר מקראלי שליט"א, בן הנולד ביי זיין זון הרב איתמר הורוויץ שליט"א, איידעם ביי הגה"צ ר' אברהם זאב שנעעבאלג שליט"א דומ"ץ ביהמ"ד אור ישראל אלימלך ד'סאטמאר וומס"ב. – די שמחה קומט פאר אין ביהמ"ד קראלי אין וויליאמסבורג.
עס איז געשלאסן געווארן די שידוך פונעם חתן א זון פון הגה"צ ר' דוד משה מייזליש שליט"א משאפראן, איידעם ביי כ"ק אדמו"ר מדעעש זצ"ל, מיט די כלה א טאכטער פון הגה"צ ר' לוי יצחק לייפער שליט"א אבד"ק טעמעשוואר טשעסנאט רידזש, זון פון כ"ק אדמו"ר מטעמעשוואר ב"פ זצ"ל, און איידעם ביי הגה"צ ר' ברוך ראזענבוים שליט"א אבד"ק נאנאש וומס"ב.
היינט קומט פאר די גרויסארטיגע מעמד ירושלים של מעלה, צום אויפבוי פון די גיגאנטישע בנין המוסדות דחסידי סאטמאר ירושלים, אין שפיץ פון כ"ק אדמו"ר מסאטמאר שליט"א און די שרי התורה חברי ביד"ץ החדה החרדית, אינעם ריזן שאטער אויף מתחם שנעלער אין ירושלים עיה"ק.
היינט קומט פאר די מעמד ועידת בית חיינו לטובת די קרן הבנין פון ביהמ"ד החדש טשערנאביל אין בארא פארק, אינעם גרויסן היכל אויפן שטח הבניה, אין שפיץ פון כ"ק אדמו"ר מטשערנאביל שליט"א.
היינט קומט פאר די מעמד כבוד התורה לטובת כולל זכרון חיים ד'באבוב, אינעם היכל הכולל בבנין ביהמ"ד הגדול דחסידי באבוב אין בארא פארק, אין שפיץ פון כ"ק אדמו"ר מבאבוב שליט"א.
כ"ק אדמו"ר מוויזניץ שליט"א פון בית שמש לאזט זיך היינט ארויס אויפן וועג קיין לאנדאן, וואו דער רבי וועט זיך אויפהאלטן די קומענדיגע וואך לטובת מוסדותיו הקדושים, די אכסניא איז אין שטוב פון הנגיד החסיד ר' יוסף ארי' פעלדמאן הי"ו.
היינט נאכט ראש חודש כסלו געפאלט די יומא דהילולא קדישא פון הרה"ק רבי אברהם מרדכי מקאמארנא זי"ע, די אייניקלעך כ"ק האדמורי"ם מקאמארנא שליט"א וועלן אפרעכטן די יארצייט טישן אין די בתי מדרשים.
לרגל די הילולא קדישא פון הרה"ק דער רבי ר' הערש פון רימנוב זי"ע, וועט כ"ק אדמו"ר מרימנוב שליט"א אפרעכטן די יארצייט טיש בבית מדרשו אין בארא פארק היינט אויפדערנאכט.
ניחום אבלים:
צו די פטירה פון הרבנית הצדיקת מזידטשויב פרעמיסלא ע"ה, זיצן שבעה די בני המשפחה אין איר שטוב אויף גראוו סטריט אין מאנסי, בעלה הגדול כ"ק אדמו"ר מזידטשויב פרעמיסלא שליט"א און זיינע קינדער, איר פאטער הגה"צ ר' יחזקי' יעקב פיש שליט"א אבד"ק סאלקא און זיינע קינדער. היינט דאנערשטאג וועט הגה"צ אבד"ק סאלקא שליט"א זיצן שבעה אין זיין שטוב אין וויליאמסבורג, און די בני המשפחה אין מאנסי אין ביהמ"ד זידטשויב פרעמיסלא אויף אמת לעין.
אריינצושיקן מודעות און נייעס, שיקט אן אימעיל צו NEWS@JDNMAIL.COM
