כ"ק אדמו"ר מבאבוב שליט"א וועט היינט אינדערפרי נאך תפילת שחרית, אפרעכטן שולחנו הטהור לכבוד ראש חודש, אין ביהמ"ד הגדול באבוב אין בארא פארק.
שמחת בית ראחמיסטריווקא: היינט ערב שבת קודש קומט פאר די שמחת הברית פון א אייניקל ביי כ"ק אדמו"ר מראחמיסטריווקא שליט"א, בן הנולד ביי זיין איידעם הרב שמואל אבא טווערסקי שליט"א, זון פון הגה"צ ר' יענקעלע טווערסקי שליט"א פון בארא פארק, אייניקל פון כ"ק אדמו"ר מראחמיסטריווקא זצ"ל. – די שמחה קומט פאר אין ביהמ"ד הגדול ראחמיסטריווקא אין ירושלים.
שמחת בית גור: דעם שבת קומט פאר די שמחת האויפרוף פון א אייניקל ביי כ"ק אדמו"ר מגור שליט"א, די חתן א זון פון זיין זון הגה"צ ר' נחמיה אלתר שליט"א, מיט די כלה א טאכטער פון הרב החסיד ר' משה בצלאל אלתר שליט"א פון בית שמש, אייניקל פון הרה"ק בעל אמרי אמת מגור זי"ע. – די שמחת האויפרוף קומט פאר אין ביהמ"ד הגדול דחסידי גור אין ירושלים. אזוי אויך קומט פאר די שמחת הקידושא רבא פון א אייניקל ביי כ"ק אדמו"ר מגור שליט"א, א טאכטער ביים רבינ'ס יונגסטע זון הגה"צ ר' דוד אלתר שליט"א.
שמחת בית בעלזא: דעם שבת קומט פאר די שמחת השלום זכר און ברית מילה פון א אור אייניקל ביי כ"ק אדמו"ר מבעלזא שליט"א, אייניקל פון בנו יחידו הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, בן הנולד ביי זיין זון הרב חיים מאיר רוקח שליט"א, איידעם ביי הגה"צ ר' שלום מאסקאוויטש שליט"א, זון פון כ"ק אדמו"ר ממעליץ שליט"א פון אשדוד, און איידעם ביי כ"ק אדמו"ר מדעעש שליט"א. – די שמחה קומט פאר אין ביהמ"ד הגדול אין קרית בעלזא ירושלים.
שמחת בית סקווירא – וויזניץ: דעם שבת קומט פאר די שמחת האויפרוף לקראת די שמחת החתונה פון די כלה יונגסטע קינד ביי הגה"צ ר' יצחק טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מוויזניץ שליט"א, מיט די חתן א זון פון הרב דוד גראס שליט"א ראה"כ סקווירא בני ברק, זון פון הגה"צ ר' אברהם משה גראס שליט"א אבד"ק קערעסטיר בערבעשט און דיין אין שיכון סקווירא, איידעם ביי כ"ק אדמו"ר מלעלוב זצ"ל, און איידעם ביי הגה"צ ר' שלמה גאלדמאן שליט"א, זון פון הגה"צ ר' שמואל גאלדמאן שליט"א מזוועהיל פון שיכון סקווירא. – די שמחת האויפרוף און פארשפיל מוצאי שבת קודש קומט פאר אין ביהמ"ד הגדול אין שיכון סקווירא.
שמחת בית ספינקא: דעם שבת קומט פאר די שמחת האויפרוף פון א אייניקל ביי כ"ק אדמו"ר מספינקא שליט"א, די חתן עלטסטע זון פון זיין זון הגה"צ אבד"ק ספינקא לעיקוואד שליט"א, איידעם ביי הגה"צ אבד"ק בערטש שליט"א, מיט די כלה א טאכטער פון הגה"צ ר' חיים ארי' שפיטץ שליט"א ראש ישיבת עץ חיים ווילרייק, איידעם ביי הגה"צ ר' חיים יוסף דוד ווייס שליט"א דומ"ץ סאטמאר אנטווערפן. – די שמחת האויפרוף קומט פאר אין היכל ישיבת אור תורה בערנשטיין אין לעיקוואד.
שמחת בית תולדות אברהם יצחק – מעליץ: דעם שבת קומט פאר די שמחת האויפרוף פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין איידעם הגה"צ ר' משה הורוויץ שליט"א אבד"ק אור נפתלי אין פערל ריווער מאנסי, זון פון כ"ק אדמו"ר ממעליץ שליט"א, מיט די כלה א טאכטער פון הרב בנימין אייזנער שליט"א פון בארא פארק. – די שמחת האויפרוף קומט פאר אין ביהמ"ד אור נפתלי אין די פערל ריווער געגנט אין מאנסי.
דעם שבת קומט פאר די שמחת האויפרוף פונעם חתן א זון פון הרב חיים מאיר ארנסטר שליט"א, זון פון הגה"צ ר' ישראל ארנסטר שליט"א, און איידעם ביי כ"ק אדמו"ר מנייטרא שליט"א, מיט די כלה א טאכטער פון הגה"צ ר' מאיר נתן פריעדמאן שליט"א אבד"ק סעטשא, זון פון כ"ק גאב"ד טענקא שליט"א, און איידעם ביי כ"ק אדמו"ר מסטראזניץ שליט"א. – די שמחת האויפרוף קומט פאר אין ביהמ"ד הגדול וויזניץ אין מאנסי. דער זיידע כ"ק אדמו"ר מנייטרא שליט"א איז צוגאסט אויף שבת אין מאנסי לכבוד די שמחה.
דעם שבת קומט פאר די שמחת האויפרוף פונעם חתן א זון פון הגה"צ ר' יודא לייב קעניג שליט"א אבד"ק יאקע טשעטשאוויץ, מיט די כלה א טאכטער פון הרב יעקב ארי' טווערסקי שליט"א, זון פון הגה"צ ר' דוד משה טווערסקי שליט"א מטריסק לאנדאן. – די שמחת האויפרוף קומט פאר אין ביהמ"ד קהל עטרת שלמה צבי יאקע טשעטשאוויץ אין בארא פארק.
דעם שבת קומט פאר די שמחת האויפרוף פונעם חתן א זון פון הגה"צ ר' מאיר נפתלי איליאוויטש שליט"א אב"ד בית שערים אין מאנסי, זון פון הגה"צ ר' משה חיים איליאוויטש שליט"א משאמשאן, און איידעם ביי הגה"צ ר' יהושע העשיל ראזנער שליט"א מטערצאל, מיט די כלה א טאכטער פון הגה"צ ר' יואל מייזליש שליט"א, זון פון הגה"צ ר' בעריש מייזליש שליט"א מווייטצען לאנדאן, און איידעם ביי הגה"צ אבד"ק מילדוי שליט"א. – די שמחת האויפרוף קומט פאר אין ביהמ"ד בית שערים אין מאנסי.
כ"ק אדמו"ר מסאטמאר שליט"א איז צוגאסט אויף דעם שבת אין אתרא קדישא מירון אינאיינעם מיט טויזענטער חסידים פון איבער דער גארער וועלט, אין ראם פון די געהויבענע מסע הקודש וואס דער רבי האט אונטערגענומען מחזק צו זיין קהל עדת צאן מרעיתו בארה"ק, און באשיינען א רייע מעמדים פון הרחבת גבולי הקדושה בקרב קהילות ומוסדות סאטמאר בארה"ק. היינט פרייטאג אינדערפרי וועט דער רבי אנקומען צום ציון הרשב"י אויף א תפילת רבים, און מוצאי שבת וועט פארקומען די גרויסע מעמד הדלקה ברוב עם הדרת מלך.
כ"ק אדמו"ר ממאחנובקא בעלזא שליט"א איז צוגאסט אויף דעם שבת אין אלטשטאט ירושלים, סמוך ונראה צום שריד בית מקדשינו דער כותל המערבי, אויף א ספעציעלע שבת "מקדש מלך" אינאיינעם מיט די נגידים ותומכים פון מוסדות מאחנובקא בעלזא אין בית שמש.
כ"ק הגה"צ גאב"ד מאקאווא שליט"א וועלכער איז צוגאסט די טעג אין ניו יארק לטובת ישיבתו הק' אין קרית אתא, וועט פראווענען דעם שבת אינעם עיר ואם בישראל בארא פארק, די אכסניא איז אין שטוב פון הרב החסיד ר' ישראל לעפפלער הי"ו, די סעודות שבת אין זאל פון בית אסתר, און שלש סעודות אויף א גרויסע פארנעם אין די ריגער זאל.
כ"ק אדמו"ר מקאשוי שליט"א איז צוגאסט אויף דעם שבת אין קרית יואל בקרב חסידיו, די תפילות און טישן קומען פאר אין ביהמ"ד היכל יצחק אויף פארעסט ראוד, די אכסניא איז אין שטוב פון הנגיד החסיד ר' יוסף פנחס סטראלאוויטש הי"ו.
כ"ק אדמו"ר מוויזניץ שליט"א פון בית שמש איז צוגאסט אויף דעם שבת אין לאנדאן לטובת מוסדותיו הקדושים, די תפילות און טישן קומען פאר אין ביהמ"ד הגדול וויזניץ, אינאיינעם מיט אחיו הגדול כ"ק אדמו"ר מוויזניץ שליט"א פון לאנדאן, די אכסניא איז אין שטוב פון הנגיד החסיד ר' יוסף ארי' פעלדמאן הי"ו.
כ"ק אדמו"ר משענדישוב שליט"א איז צוגאסט אויף דעם שבת אין לאס אנדזשעלעס לטובת מוסדותיו הקדושים, די תפילות און טישן קומען פאר אין די חסידישע כולל יחיאל יהודה, די אכסניא איז אין שטוב פון הנגיד החסיד ר' שמעון פיינגאלד הי"ו.
כ"ק אדמו"ר מקוזמיר שליט"א איז צוגאסט אויף דעם שבת אין לעיקוואד לטובת מוסדותיו הקדושים, די אכסניא איז אין שטוב פון הנגיד החסיד ר' חיים אטלס הי"ו.
כ"ק אדמו"ר מפיטסבורג שליט"א איז צוגאסט אויף דעם שבת אין קווינס לטובת מוסדותיו הקדושים, בבית האכסניא אין שטוב פון הנגיד החסיד ר' זושא בארד הי"ו.
כ"ק אדמו"ר מבאסטאן שליט"א וועלכער איז אנגעקומען אויף א לענגערע באזוך קיין ארץ ישראל לכבוד עטליכע שמחות, וועט פראווענען דעם שבת בקרב חסידיו אין שטאט ביתר.
כ"ק אדמו"ר מזוטשקא ירושלים שליט"א איז צוגאסט אויף דעם שבת אין נארט מיאמי פלארידע לטובת מוסדותיו הקדושים, בבית האכסניא ביי הנגיד החסיד ר' שלמה נאש הי"ו.
הגה"צ המשפיע ר' יצחק משה ערלאנגער שליט"א איז צוגאסט אויף דעם שבת אין שטאט רימנוב אין פוילין, לרגל די הילולא קדישא פונעם הייליגן רבי'ן ר' הערש פון רימנוב זי"ע.
דעם שבת קומט פאר א ספעציעלע שבת המלכות מיט די נושאי הממלכה, תומכי מוסדות בעלזא פון אמעריקע, אין שפיץ פון הרה"ג ר' שלום רוקח שליט"א נכדו הגדול פון כ"ק אדמו"ר מבעלזא שליט"א, עס קומט פאר אין די מלון רעזארט אין ניו דזשערזי.
כ"ק אדמו"ר מסאטמאר שליט"א וויילט דעם שבת אין נארט מיאמי פלארידע אויף אפרוה.
כ"ק אדמו"ר מדושינסקיא שליט"א וויילט דעם שבת אין וועסט פאלם ביעטש פלארידע אויף אפרוה.
כ"ק אדמו"ר מוויזניץ שליט"א פון מאנטריאל וויילט דעם שבת אין קרית יטב לב בלומינגבורג אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
