שמחת בית סקווירא – וויזניץ: היינט קומט פאר די שמחת החתן מאהל פון די כלה יונגסטע קינד ביי הגה"צ ר' יצחק טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מוויזניץ שליט"א, מיט די חתן א זון פון הרב דוד גראס שליט"א ראה"כ סקווירא בני ברק, זון פון הגה"צ ר' אברהם משה גראס שליט"א אבד"ק קערעסטיר בערבעשט און דיין אין שיכון סקווירא, איידעם ביי כ"ק אדמו"ר מלעלוב זצ"ל, און איידעם ביי הגה"צ ר' שלמה גאלדמאן שליט"א, זון פון הגה"צ ר' שמואל גאלדמאן שליט"א מזוועהיל פון שיכון סקווירא. – די שמחה קומט פאר אין ביהמ"ד הגדול אין שיכון סקווירא.
שמחת בית וויזניץ: היינט קומט פאר די שמחת הווארט פונעם חתן א זון פון הגה"צ ר' אפרים אהרן טייטלבוים שליט"א ראה"כ מגדלות מרקחים צעהלים, זון פון הגה"צ אבד"ק נעפלעמיץ שליט"א, און איידעם ביי הגה"צ ר' לייבוש טויב זצ"ל מקאלוב, מיט די כלה א טאכטער פון זיין פלומעניק הגה"צ ר' חיים מאיר האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחה קומט פאר אין ביהמ"ד הגדול וויזניץ אין וויליאמסבורג.
היינט קומט פאר די שמחת החתונה פונעם חתן א זון פון הגה"צ ר' יודא לייב קעניג שליט"א אבד"ק יאקע טשעטשאוויץ, מיט די כלה א טאכטער פון הרב יעקב ארי' טווערסקי שליט"א, זון פון הגה"צ ר' דוד משה טווערסקי שליט"א מטריסק לאנדאן. – די שמחת החתונה קומט פאר אין די לעגאסי זאל אין בארא פארק.
כ"ק אדמו"ר מסאטמאר שליט"א וועלכער איז צוגאסט די טעג אויף א מסע הקודש אין ארץ ישראל בקרב חסידיו, וועט היינט אנקומען אויף א לענגערע באזוך פון עטליכע טעג קיין בני ברק, צו באשיינען א רייע מעמדים בקרב קהילת ומוסדות סאטמאר אין בני ברק. היינט נאכמיטאג קומט פאר די גרויסע מעמד חנוכת הבית פאר די נייע בנין פון בית חינוך לבנות אין שיכון קרית יואל סאטמאר בני ברק.
כ"ק אדמו"ר מוויזניץ שליט"א לרפו"ש קומט היינט אן צוגאסט קיין ניו יארק לרגל די צוויי חתונות במעון קדשו, דער רבי וועט זיך אויפהאלטן אויף א פריוואטע פארנעם בבית האכסניא, אין שטוב פון הנגיד החסיד ר' אביגדור עסטרייכער הי"ו אין שיכון סקווירא.
כ"ק אדמו"ר מסקאליע שליט"א לאזט זיך היינט ארויס אויפן וועג קיין לאנדאן, צו באשיינען די שמחת החתונה בבית אחיו הגה"צ ר' דוב בעריש ראבינאוויטץ שליט"א.
כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אפרעכטן א ספעציעלע מעמד הפרנסה לאורו נלך אינאיינעם מיט די נגידי ותומכי המוסדות, אין שטוב פון הנגיד ר' אדם אזרק הי"ו אין קווינס. שפעטער ביינאכט וועט דער רבי פוקד זיין דעם ציון הק' פון אדמור"י בית חב"ד זי"ע אין קווינס, אינאיינעם מיט די תומכי המוסדות.
כ"ק אדמו"ר מאמשינאוו ארה"ב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פונעם אלטן רבי'ן הרה"ק רבי יעקב דוד מאמשינאוו זי"ע, בבית מדרשו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
