די בארימטע "בארא פארק סענטער" וואו צענדליגע עלטערע מענטשן באקומען געטרייע הילף יעדע מינוט אין טאג, האט די וואך ערהאלטן א זעלטענע אנערקענונג פון די פרעסטיזשפולע אמעריקען הארץ אסאשיעישאן, באקאנט אלס "AHA", וואס פארפיגט אויף מעדיצינישע אנגעלעגנהייטן איבער הארץ און סטראוק פאציענטן לענגאויס די פאראיינגטע שטאטן.
בארא פארק סענטער איז די ערשטע און איינציגסטע נורסינג היים איבער גאנץ ניו יארק צו ערהאלטן דעם זעלטענעם סערטיפיקעט און אנערקענונג, ווען די באאמטע פון די אסאשיעישאן זאגן אז די העכסט טרענירטע און געלונגענע סטעף שטעלן צו א געוואלדיגע געטרייע ארבעט, זאכן וואס מען זעהט נישט אין אנדערע פלעצער, וואו פאציענטן ערהוילן זיך אין א זעלטן געשמאקע אטמאספער.
די געוואלדיגע איבערגעגעבנקייט צו יעדן פאציענט, זיי צו באגלייטן נאך א סטראוק אד"ג, ביז א פולשטענדיגע ערהוילונג, אויך ווען אנדערע האבן שוין אויפגעגעבן, האט מען אין בארא פארק סענטער באוויזן צו האלטן דעם מאראל ביז צו אן ערהוילונג. אזוי אויך ווערט עס אנגעוויזן אויף די פאקט אז אין דעם בארא פארק סענטער באזוכן כסדר געלונגענע וואלאונטירן און געסט וואס טוען אויפהייטערן די הערצער פון די איינוואוינער, און מאכן זיי שפירן אסאך בעסער אין יעדן הינזיכט.
די הויפט באאמטע פון די אסאשיעישאן האבן אפגעשטאט א באזוך די וואך ביי די בארא פארק צענטער, און ארויסגעברענגט זייער וואונדער וויאזוי די דאזיגע נורסינג היים שענקט אבנארמאלע געטרייע הילף פאר יעדן פאציענט, און דערקלערט אז די געוואלדיגע ארבעט טוט ראטעווען לעבנס טאג טעגליך.
