שמחת בית וויזניץ – ראחמיסטריווקא: עס איז געשלאסן געווארן די שידוך פונעם חתן א זון פון הגה"צ ר' מענדיל האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי הגה"צ אבד"ק ראחמיסטריווקא מאנסי שליט"א, מיט די כלה א טאכטער פון הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, זון פון כ"ק אדמו"ר מראחמיסטריווקא שליט"א, און איידעם ביי כ"ק אדמו"ר מוויזניץ שליט"א פון קייאמישע.
היינט קומט פאר די שמחת הברית פון א אור אייניקל ביי כ"ק אדמו"ר מטשערנאביל שליט"א, אייניקל פון זיין איידעם כ"ק אדמו"ר מראחמיסטריווקא שליט"א פון לינדען, בן הנולד ביי זיין איידעם הרב משה מרדכי לייפער שליט"א, זון פון הגה"צ ר' אברהם לייפער שליט"א, זון פון כ"ק אדמו"ר מנדבורנא שליט"א פון בארא פארק. – די שמחה קומט פאר אין ביהמ"ד טשערנאביל אין בארא פארק.
היינט קומט פאר די יערליכע מגבית לטובת מוסדות יטב לב ד'סאטמאר אין בני ברק, ביים מעמד הדלקת הנרות ליל זאת חנוכה דורך כ"ק אדמו"ר מסאטמאר שליט"א, אין ביהמ"ד הגדול דקהל יטב לב ד'סאטמאר אין וויליאמסבורג.
היינט קומט פאר די מעמד סיום מסכת מנחות והתחלת מסכת חולין במסגרת הלימוד והגית דחסידי פאפא דף ליום, עס קומט פאר ביים מעמד הדלקת הנרות פון כ"ק אדמו"ר מפאפא שליט"א, אין ביהמ"ד הגדול פאפא אין וויליאמסבורג.
היינט קומט פאר די מעמד פך שמן טהור בחצר הקודש סאטמאר מאנסי, לטובת קופת חינוך הטהור פאר די מוסדות הקדושים על טהרת הקודש, אין ביהמ"ד הגדול ויואל משה ד'סאטמאר ביים מעמד הדלקת נרות חנוכה דורך כ"ק גאב"ד סאטמאר מאנסי שליט"א.
היינט קומט פאר אין לאנדאן א ספעציעלע מעמד נעילה לרגל זאת חנוכה, אין שפיץ פון הגה"צ המשפיע ר' שמעלקא בידערמאן שליט"א, אין די פרדס וויזניץ זאל אין שטאט.
כ"ק אדמו"ר מוויזניץ שליט"א פון ירושלים וועלכער האט זיך אויפגעהאלטן דורכאויס די ימי החנוכה בקרב חסידיו אין ארץ ישראל, קערט זיך היינט צוריק למעון קדשו אין בארא פארק, און וועט אפרעכטן די מעמד הדלקת נרות חנוכה היינט אויפדערנאכט בבית מדרשו קהל אמרי חיים וויזניץ אויף די צוויי און פערציגסטע סטריט.
כ"ק אדמו"ר מדזיקוב וויזניץ שליט"א קומט היינט אן אויף א תפילת רבים קיין אתרא קדישא מירון, בראש קהל חסידיו.
כ"ק אדמו"ר מביאלא בני ברק שליט"א וועט היינט אויפדערנאכט נאכן ליכט צינדן ארויספארן קיין אתרא קדישא מירון, אויף א תפילת רבים בראש קהל חסידיו.
כ"ק אדמו"ר מקאשוי שליט"א וועט היינט אפרעכטן די מעמד הדלקת נרות חנוכה אין מאנסי, אין ביהמ"ד התאחדות אברכים ברכת שמים קאשוי אויף סוזען.
כ"ק אדמו"ר מקאסוב שליט"א וועט היינט אפרעכטן די מעמד הדלקת נרות חנוכה אין שטוב פון הנגיד החסיד ר' נפתלי בערגער הי"ו אין לעיקוואד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
