חברה שומרים ד'וויליאמסבורג איז פיל מער ווי אן עמערדזשנסי וואלונטיר גרופע; שומרים איז די רוקן-ביין פון זיכערהייט פאר די גאנצע שטאט, און די אויגן וואס שלאפן קיינמאל נישט צו פארזיכערן אז תושבי וויליאמסבורג קענען בעז"ה שלאפן רואיג. מיט אן אומערמידליכע מסירות נפש, שטייען אירע געטרייע וואלונטירן גרייט צו היטן אויף יעדן איד, יעדע הויז, צו יעדע סעקונדע.
שומרים דארף נישט קיין אינטראדאקשן... שומרים באשטייט פון גאר געטרייע טרענירטע וואלונטירן וועלכע ארבעטן רונדע דעם זייגער פאר אלע תושבי העיר, און איז כהיום א מאסיווע אימפעריע וואס האט זיך טראנספארמירט פון א רעאקציע-גרופע צו א הויך-טעכנאלאגישע זיכערהייט אפאראט, מיט אפעראציעס און אונטערנעמונגען אויף אלע פראנטן, ווען אלע אירע פעולות ווערן געפירט מיט א שטרענגע אחריות אונטער די הדרכה פון רבני העיר שליט"א.
שומרים'ס פארצווייגטע פעולות:
די "איי טי" רעוואלוציע: הונדערטער קאמעראס איבער אלע ווינקלען פון שטאט, פארבינדן אין א מאסיווער דאטאבעיס, ווערנדיג באאבאכט און געמאניטער'ד, צו דעקן יעדע ווינקל אין שטאט צו יעדע צייט.
שנעלסטע רעאקציע: מיט פארגעשריטענע טעכנאלאגיע האט מען באוויזן צו קענען בעז"ה ענטפערן אויף א רוף אין אונטער 20 סעקונדן.
LPR אינוועסטמענט: א ספעציעלע לייסענס-פלעיט ריעדינג סיסטעם וואס קען נאכפאלגן פארברעכער פון דעם מאמענט וואס זיי טרעטן אריין אין שטאט, און פארמיידט פארברעכן בעפאר עס געשעהט בעז"ה
שבת פאטראל: א מאסיווע אפעראציע פון שבת-גוים און פאטראל קארס וואס באדינען טויזנטער אידן יעדע וואך.
פארלוירענע קינדער: דורך די פארגעשריטענע קאמעראס און הונדערטער געטרייע וואלונטירן גרייט צו יעדע צייט, ווערן זיכערייען געענדיגט אין מינוטן, שפארנדיג שעות פון אומבאשרייבליכע עגמת נפש פאר עלטערן.
שלום העיר: פירן די ארדענונג ביי גרויסע ציבור'ישע געשענישן, ערב פסח פייערן, און ימים נוראים.
שומרים בעט:
די טעכנאלאגישע פארשריט און די טעגליכע הוצאות פאר די זיכערהייט פון שטאט קאסטן אפ נאנט צו א מיליאן דאלער א יאר. חברה שומרים איז נישט קיין ביזנעס; עס איז אן אינוועסטמענט פאר אייער און אייערע קינדערס וואוילזיין און רואיגקייט בעז"ה.
יעדער וואלונטיר געבט אוועק זיין צייט און כח - זייט איר זיין שותף צו דעקן די קאסטן.
שומרים'ס בקשה: $10 א חודש - $120 א יאר
דאס איז דער קליינער חלק וואס יעדער תושב קען טון צו פארזיכערן אז שומרים זאל האבן די כוחות ווייטער צו היטן אויף אונזערע קינדער און אונזערע הייזער.
וויליאמסבורג טראגט דעם אחריות – פאר זיך, פאר די משפחה, פאר שומרים!
מנדב צו זיין קליקט דא
