צענדליגע סוקסעספעלע ביזנעס אייגנטומער קומען זיך צוזאמען ביים עלעגאנטן "סגול" ביזנעס אווענט
דעם פארלאפענעם דאנערשטאג נאכט, אין שטוב פון הרבני הנכבד ר' פנחס ווילהעלם הי"ו אין בארא פארק
אין א גאר דערהויבענע שטימונג זענען זיך צוזאמענגעקומען סוקסעספולע ביזנעסלייט פאר א "סגול" אווענט, אין שטוב פון הרבני הנכבד ר' פנחס ווילהעלם הי"ו אין בארא פארק, און צוזאמען אויסגעשמועסט וויאזוי יעדער טוט זייער ביזנעס אן דעם סמארטפאון און איז מער פאוקוסירט אויף די ביזנעס אן קיין שטערונגען.
עס זענען אנוועזנד געווען בארימטע ביזנעס אייגנטומער, מנהלי המוסדות, אדמיניסטראטארס, פירערס און אראנדזשירערס פון גרעסערע אווענטן וועלכע האבן כולם פה אחד עקסטער אראפגעלייגט וויאזוי זייער ארבעט גייט צו גאר געשמירט און זיי טוען אלעס מיט אקלארקייט און וויאזוי זיי בויען א קולטור פון פאוקוס אין זייערע ביזנעסער מיט דעם סגול מהלך.
עס האבן אויך אדרעסירט דעם אווענט, הרה"ח ר' חיים מאיר פראמאוויטש הי"ו פון די גרויסע עסקנים אין בארא פארק, און אדמינסטראטאר פון מוסדות ק"ק וויען אין בארא פארק, וועלכער פארפיגט אויף א פארצווייגטע אפעראציע פון צענדליגער ארבעטערס, און באס דרייווער וכו' קיינער נישט מיט א סמארטפאון, אויך האט אדערסירט דעם ציבור הרה"ח ר' דוד קויפמאן הי"ו פון דארט מידיע וועלכער האט אראפגעלייגט דעם וויזיע פון סגול און די פלענער פאר'ן צוקונפט בעז"ה.
נאך דעם אווענט איז מען ארויס אין א דערהויבענע טאנץ מיט התרגשות און התרוממות אז מ'האט געקענט טאפן די קדושה אין די לופטן.
דער ארגעניזאציע "סגול" איז שוין היינט ברייט באקאנט, נאכן אנשליסן איבער 1000 ביזנעס בעלי בתים און מענעדזשערס, כהיום האט שוין "סגול" אפגעהאלטן צענדליגע אווענטן אין לעיקוואד, בארא פארק, מאנסי, און קרית יואל, ועוד ידם נטויה צוזאמעצוברענגן נאך פילע בעלי בתים פאראייניגט אין די מיסיע פון טון ביזנעס אנע סמארטפאון.
דער אווענט איז געווען א געוואלדיגע קידוש ה' און די פארזאמלטע זענען זיך צונויפגעגאנגען מיט דערהויבענע געפילן און מיט אנשטשלאסנקייט צו טון וואס מער למען כבוד שמים און אנשליסן ווי מער ביזנעס פירער אין דעם ארגעניזאציע בעז"ה.
