שמחת בית באיאן: דעם מוצאי שבת קומט פאר די שמחת הבר מצוה פון א אייניקל ביי כ"ק אדמו"ר מבאיאן שליט"א, א זון פון זיין איידעם הגה"צ ר' דוד משה פריעדמאן שליט"א, זון פון הגה"צ ר' דוב בער פריעדמאן שליט"א אב"ד טשארטקוב אנטווערפן. – די שמחה קומט פאר אין ביהמ"ד הגדול באיאן אין ירושלים.
דעם מוצאי שבת קומט פאר די שמחת הבר מצוה פון א זון ביי הגה"צ ר' ברוך בעק שליט"א, זון פון כ"ק אדמו"ר מטשערקאס שליט"א, און איידעם ביי הגה"צ בעל אור שלום מוויזניץ זצ"ל. - די שמחה קומט פאר אין וויזניצע בית המדרש אין בארא פארק.
שמחת בית סאטמאר - אלעסק: דעם מוצאי שבת קומט פאר די שמחת השבע ברכות פונעם חתן א זון פון כ"ק אדמו"ר מאלעסק שליט"א פון ב"פ, איידעם ביי כ"ק אדמו"ר מחוסט שליט"א פון ב"פ. מיט די כלה א טאכטער פון הגה"צ ר' יואל טייטלבוים שליט"א, זון פון כ"ק אדמו"ר מסאטמאר שליט"א, און איידעם ביי הגה"צ ר' אשר אנשיל אשכנזי שליט"א אב"ד חוות דעת מעלבארן סיגעיט. – די שמחת השבע ברכות קומט פאר אין ביהמ"ד אלעסק אין בארא פארק.
דעם מוצאי שבת קומט פאר די שמחת פדיון הבן פון א אייניקל ביי כ"ק אדמו"ר מקרעטשניף סיגעט וומס"ב שליט"א, בן הנולד ביי זיין זון הרב פנחס חיים לייזער שליט"א, איידעם ביי הגה"צ ר' שמעון שלמה לייזער שליט"א, זון פון הגה"צ ר' שמעלקא לייזער שליט"א, זון פון כ"ק אדמו"ר מפשעווארסק שליט"א. – די שמחה קומט פאר אין די סאטמארער זאל אויף רחוב יואל אין ירושלים.
כ"ק אדמו"ר מוויזניץ שליט"א פון בית שמש וועט דעם מוצאי שבת ארויספארן אויף א קורצע נסיעה קיין ניו יארק, אויפצוטרייבן געלטער לטובת מוסדותיו הקדושים אין בית שמש, און לרגל די יארצייט פון אמו הרבנית הצדיקת מוויזניץ ע"ה וואס געפאלט דעם זונטאג כ"ב טבת.
דעם מוצאי שבת קומט פאר א ספעציעלע מלוה מלכה בביתו נאוה קודש פון כ"ק אדמו"ר מצאנז שליט"א אין קרית צאנז נתני', פאר די יחידי סגולה וואס שטיצן מפעל משתמרת וואס נעמט אריין עטליכע סדרי הלימודים און בחינות צווישן די חסידים.
דעם מוצאי שבת וועט כ"ק אדמו"ר מפאפא שליט"א אנקומען קיין לינדען, און פראווענען א מלוה מלכה מיט די חסידים תושבי העיר, אין ביהמ"ד דחסידי פאפא.
דעם מוצאי שבת קומט פאר אין ביהמ"ד ראחמיסטריווקא אין אוקענווויין, א סעודת מלוה מלכה לכבודו פונעם רבינ'ס פלומעניק כ"ק אדמו"ר מזוועהיל שליט"א, וועלכער איז צוגאסט די טעג אין אמעריקע לטובת מוסדותיו הקדושים.
דעם מוצאי שבת קומט פאר די יערליכע מלוה מלכה לטובת מוסדות וויזניץ אין וויליאמסבורג, עס קומט פאר אין זאל פון פרדס פיגא, אין שפיץ פון כ"ק אדמו"ר מוויזניץ שליט"א פון וויליאמסבורג.
דעם מוצאי שבת קומט פאר די יערליכע מלוה מלכה לטובת ביהמ"ד דעת שלום שאץ אין מאנסי, אינאיינעם מיט די סעודת הילולא לרגל די יומא דהילולא קדישא פון הרה"ק רבי שלום משאץ זי"ע, וואס געפאלט מוצאי שבת כ"ב טבת, עס קומט פאר אינעם היכל הביהמ"ד אין שפיץ פון כ"ק אדמו"ר משאץ שליט"א פון מאנסי.
לרגל די יומא דהילולא קדישא פון הרה"ק רבי שלום משאץ זי"ע וואס געפאלט מוצאי שבת כ"ב טבת, וועט געפראוועט ווערן מערערע סעודות הילולא און מלוה מלכה'ס דורך די אייניקלעך האדמורי"ם והרבנים.
דעם מוצאי שבת קומט פאר די מעמד הכנסת ספר תורה וואס ווערט אריינגעגעבן צום ביהמ"ד בית יצחק פשיסחא אין לאנדאן, נדבת הגה"צ ר' אשר ראבינאוויטש שליט"א רב הביהמ"ד, בן כ"ק אדמו"ר מביאלא פשיסחא שליט"א, לעילוי נשמתו פון זיין שווער הגה"צ ר' יצחק באב"ד זצ"ל אבד"ק טארטיקוב לאנדאן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
