היינט קומט פאר די שמחת החתונה פונעם חתן א זון פון הגה"צ ר' חיים שלמה זלמן מייזעלס שליט"א אבד"ק אבני שלמה, מיט די כלה א טאכטער פון הרה"ג ר' יואל אשר לאבין שליט"א רב ביהמ"ד קהל חסידים אין טאמס ריווער געגנט אין לעיקוואד, זון פון כ"ק אדמו"ר מזידטשויב חרדים שליט"א, און איידעם ביי הגה"צ ר' משה יחזקאל לויפער שליט"א אבד"ק זכרון יהודה דזיקוב, איידעם ביי הגה"צ אבד"ק פאלטישאן שליט"א. – די שמחת החתונה קומט פאר אין זאל עטרת אסתר אין לעיקוואד.
היינט קומט פאר די שמחת הברית לבן הנולד ביי הרב ישראל ראטטענבערג שליט"א, זון פון הגה"צ ר' פינחס שלום ראטטענבערג שליט"א אבד"ק שירת הלויים קאסאן מאנסי, זון פון כ"ק אדמו"ר מקאסאני שליט"א, און איידעם ביי הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, און איידעם ביי כ"ק אדמו"ר מוויזניץ שליט"א פון קייאמישע. – די שמחה קומט פאר אין ביהמ"ד שירת הלויים קאסאן אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מלעלוב ירושלים שליט"א, א זון פון זיין איידעם הרב אפרים פישל פעלדמאן שליט"א, זון פון הגה"צ ר' אהרן אלי' פעלדמאן שליט"א, איידעם ביי הגה"צ בעל ברכת משה מסערט וויזניץ זצ"ל. – די שמחה קומט פאר אין זאל מנוחה ושמחה אין בית שמש.
כ"ק אדמו"ר מוויזניץ שליט"א פון בית שמש קומט היינט אן צוגאסט קיין ניו יארק לטובת מוסדותיו הקדושים, דער רבי שליט"א וועט היינט אנקומען קיין מאנסי, און פוקד זיין דעם ציון הק' פון אביו הרה"ק בעל תורת מרדכי מוויזניץ זצ"ל לקראת די שמחת החתונה פון א אייניקל, און די ציון פון אמו הרבנית הצדיקת מוויזניץ ע"ה לרגל די יארצייט וואס געפאלט היינט כ"ב טבת.
כ"ק אדמו"ר מקרעטשניף סיגעט וומס"ב שליט"א וועלכער איז צוגאסט די טעג אין ארץ ישראל, וועט היינט נאכמיטאג אנקומען אויף א מעמד תפילה ביים ציון הק' פון אביו כ"ק אדמו"ר מקרעטשניף סיגעט זצ"ל און די זיידעס למעלה בקודש, לקראת די שמחת החתונה פון בנו החתן וואס קומט פאר דעם ווינטער.
היינט קומט פאר אין ביהמ"ד קאסוב אין בארא פארק א מסיבת לחיים צום הוצאה לאור פון די נייע ספר מעיינא דמלכא חלק ב', מדברי תורתו ואוצרו הטוב פון כ"ק אדמו"ר מקאסוב זצ"ל, אין שפיץ פון בנו ממלא מקומו כ"ק אדמו"ר מקאסוב שליט"א וועלכער וועט אויפטרעטן מיט דברות קודש.
היינט כ"ב טבת געפאלט די יומא דהילולא קדישא פון הרה"ק רבי שלום משאץ זי"ע, טויזענטער אידן וועלן פוקד זיין דעם ציון הק' אויפן בית החיים אין ענפיעלד לאנדאן, נכדו כ"ק אדמו"ר משאץ אנטווערפן שליט"א וועלכער האט געפראוועט א שבת התאחדות מיט כלל חסידיו אין קוקסיד בעלגיע, וועט היינט אנקומען קיין לאנדאן אינאיינעם מיט די חסידים צו פוקד זיין דעם ציון הק'.
אריינצושיקן מודעות און נייעס, שיקט אן אימעיל צו NEWS@JDNMAIL.COM
