היינט נאכט כ"ד טבת געפאלט די יומא דהילולא קדישא פון כ"ק אדמו"ר הרה"ק רבי משה מרדכי מלעלוב זצ"ל בעל ברכת משה, די קינדער כ"ק האדמורי"ם מלעלוב ניקלשבורג, מהרי"ד מלעלוב, און לעלוב עזרת תורה, און די אייניקלעך כ"ק האדמורי"ם מלעלוב שליט"א וועלן אפרעכטן די יארצייט טישן ברוב עם, און פוקד זיין דעם ציון הק' אויפן הר הזיתים להיפקד בדבר ישועה ורחמים.
היינט קומט פאר די יערליכע כינוס טהרנו בחצר הקודש דאראג, זיך צו מחזק זיין קעגן די פגעי הטעכנעלאגיע, עס קומט פאר אינעם גרויסן ביהמ"ד דחסידי דאראג אין בני ברק, אין שפיץ פון כ"ק אדמו"ר מדאראג שליט"א, אלס נואם הכבוד וועט אויפטרעטן הרה"ג ר' הלל יואל קעפעטש שליט"א.
היינט קומט פאר די יערליכע כינוס דורך איחוד מוסדות גור בארה"ק, אינאיינעם מיט די ערשטמאליגע ביזנעס עקספאו "עסקים עם גור", אין די גרויסע זאלן פון בניני האומה אין ירושלים.
שמחת בית סטריקוב: עס איז געשלאסן געווארן די שידוך פונעם חתן א זון פון הגה"צ ר' אברהם משה שארר שליט"א, זון פון הגה"צ ר' רפאל הלוי שארר שליט"א אבד"ק תפארת גדלי' וראש ישיבת וויזניץ, און איידעם ביי הגה"צ אבד"ק ערלוי ב"ב שליט"א, מיט די כלה א טאכטער פון הגה"צ ר' פנחס נפתלי בראנדער שליט"א, זון פון כ"ק אדמו"ר מסטריקוב שליט"א, און איידעם ביי הגה"צ ר' לייבל וויליגער שליט"א ר"ם במתיבתא תורה ודעת.
שמחת בית סטריקוב – זוועהיל: עס איז געשלאסן געווארן די שידוך פונעם חתן א זון פון הגה"צ ר' יעקב יוסף הירשלער שליט"א, זון פון הגה"צ ר' שמעון הירשלער זצ"ל פון לאנדאן, און איידעם ביי כ"ק אדמו"ר מלויעוו טשערנאביל פארשעי שליט"א, מיט די כלה א טאכטער פון הגה"צ ר' שלמה גאלדמאן שליט"א ראש ישיבת תורת שלמה זוועהיל, זון פון כ"ק אדמו"ר מזוועהיל ירושלים שליט"א, און איידעם ביי כ"ק אדמו"ר מסטריקוב שליט"א.
היינט קומט פאר די שמחת הבר מצוה פון א אייניקל ביי כ"ק אדמו"ר מקאפיטשניץ שליט"א, א זון פון זיין זון הגה"צ ר' שלמה חיים פלינטנשטיין שליט"א רב ביהמ"ד אור מאיר קאפיטשניץ אין סטעטן איילענד, איידעם ביי הגה"צ ר' חיים יחיאל מיכל ראטטענבערג שליט"א מקאסאני. – די שמחה קומט פאר אין זאל פון יאנג איזריעל אין סטעטן איילענד.
כ"ק אדמו"ר מוויזניץ שליט"א פון בית שמש וועלכער איז אנגעקומען צוגאסט קיין ניו יארק לטובת מוסדותיו הקדושים, וועט היינט אויפדערנאכט אנקומען קיין וויליאמסבורג, און אויפנעמען דעם ציבור חסידים לקראת די שמחת החתונה פון א אייניקל, אין ביהמ"ד הגדול וויזניץ אויף ליע עוועניו אין וויליאמסבורג.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד אמרי חיים וויזניץ אין אלעד, נדבת הרב החסיד ר' יחזקאל כהן הי"ו, לע"נ הרב החסיד ר' בצלאל קורנבוים ע"ה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
