היינט נאכמיטאג אויף די אייראפע'אישע זייגער, איז כ"ק אדמו"ר מסערט וויזניץ שליט"א ארויסגעפארן אויפן וועג אהיים פון שווייץ, אין ליכט פון די אנגעצויגענע מלחמה צושטאנד וואס הערשט אין די מיטל מזרח מיט ערנסטע פארדאכטן אז איראן וועט פרובירן צו אטאקירן מדינת ישראל.
די צושטאנד אין איראן האלט אויף א גאר שרעקליכע פארנעם, און לויט די ווארשיינליכקייטן וועט אמעריקע אטאקירן איראן, וואס וועט גאר מעגליך פירן דערצו אז איראן זאל אטאקירן מדינת ישראל. די דאזיגע מלחמה צושטאנד קען אויפברענגען גרויס זארג איבער די גאנצע ראיאן, אין די צייט וואס אין ארץ ישראל ווערן געמאכט עמערדזשענסי צוגרייטונגען צו זיי גרייט על כל צרה שלא תבוא.
כ"ק אדמו"ר מסערט וויזניץ שליט"א וועלכער איז פארלאפענע וואך אנגעקומען קיין ארוזא שווייץ צו וויילן דארט פאר צוויי וואכן אויף אפרוה, האט היינט מיטוואך באשלאסן צו שוין אהיימפארן צוליב די אנגעצויגענע צושטאנד, און זיין נאנט צו די חסידים אין באזארגענדע טעג. דער רבי האט היינט נאכמיטאג פארלאזט די בית האכסניא אין ארוזא, און געפונט זיך שוין אונטערוועגנס אהיים קיין ארץ ישראל.
