כ"ק אדמו"ר מצאנז שליט"א קומט היינט אן צוגאסט קיין ניו יארק אויף די מסע הקודש "ותבנהו", אוועקצושטעלן א פעסטע יסוד פאר די קהילות ומוסדות דחסידי צאנז אין ניו יארק און ניו דזשערזי, אנקומענדיג קיין ניו יארק וועט דער רבי ארויספארן קיין לעיקוואד, וואו עס וועט פארקומען א גרויסע מעמד קבלת פנים רבתי אין היכל מתיבתא אהבת תורה, און די מעמד הכנסת ספר תורה וואס ווערט אריינגעגעבן צום צאנזער בית המדרש אין לעיקוואד, לע"נ הרב החסיד ר' משה רייך ע"ה.
כ"ק אדמו"ר מביאלא שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען קיין מאנסי פאר די קומענדיגע טעג.
כ"ק אדמו"ר מוויזניץ שליט"א פון קייאמישע קומט היינט אן קיין לעיקוואד, אויף א באזוך פון עטליכע טעג לטובת מוסדותיו הקדושים.
כ"ק אדמו"ר מדינוב שליט"א וועלכער האט זיך אויפגעהאלטן די לעצטע צוויי וואכן אין וועסט פאלם ביעטש פלארידע אויף אפרוה, קערט זיך היינט צוריק למעון קדשו אין וויליאמסבורג.
כ"ק אדמו"ר מאלכסנדר שליט"א וועלכער איז צוגאסט די טעג אין פוילין אויף א מסע הקודש "הנאמנים" מיט די תומכים ונדיבים פאר די נייע ביהמ"ד הגדול אלכסנדר אין בני ברק, וועט היינט אנקומען צום שטאט אלכסנדר און פוקד זיין דעם ציון הק' פונעם הייליגן ישמח ישראל זי"ע בעצם יומא דהילולא קדישא.
היינט נאכט ראש חודש שבט געפאלט די יומא דהילולא קדישא פון כ"ק אדמו"ר מבאסטאן חוסט זצ"ל, א יארצייט סעודה קומט פאר בבית מדרשו קהל באסטאן חוסט אין בארא פארק, בנו כ"ק אדמו"ר מבאסטאן ביתר שליט"א וועט אפרעכטן די יארצייט טיש בבית מדרשו, און דערנאך פוקד זיין דעם ציון הק' אויפן הר הזיתים.
היינט קומט פאר א יום שכולו תורה אין קהל תפארת אליעזר, אין די פראכטפולע אושען פלעיס רעזארט אין ניו דזשערזי, אין שפיץ פון הגה"צ רבי אברהם יהודה לעוו שליט"א גאב"ד תפארת אליעזר.
היינט קומט פאר די מעמד חנוכת הבית פאר די נייע מקוה ים של שלמה אין קענווי איילענד, אין שפיץ פון די רבני ודייני עיר לאנדאן, ובראשם כ"ק אדמו"ר מוויזניץ שליט"א פון לאנדאן וועלכער וועט משמיע זיין דברי ברכה.
היינט קומט פאר די יערליכע דינער לטובת ישיבת מתיבתא אין לאנדאן, אינאיינעם מיט די סעודת הילולא פון הרה"ג ר' אברהם שמואל ראנד זצ"ל ראש ישיבת מתיבתא, אין זאל פרדס וויזניץ אין לאנדאן.
כ"ק אדמו"ר מסטראפקוב שליט"א וועט היינט אויפדערנאכט אפרעכטן שולחנו הטהור לכבוד ראש חודש, אינאיינעם מיטן סיום מסכת זבחים וואס איז געלערנט געווארן בהיכל בית המדרש.
אריינצושיקן מודעות און נייעס, שיקט אן אימעיל צו NEWS@JDNMAIL.COM
