שמחת בית סאטמאר – ספינקא – פאפא ב"פ: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין זון הגה"צ ר' יעקב בער טייטלבוים שליט"א אבד"ק סיגעט, איידעם ביי כ"ק אדמו"ר משאפראן זצ"ל, מיט די חתן א זון פון הגה"צ ר' יהושע שלום ווייס שליט"א אבד"ק ספינקא, זון פון כ"ק אדמו"ר מספינקא שליט"א, און איידעם ביי הגה"צ אבד"ק פאפא ב"פ שליט"א.
שמחת בית פינסק קארלין: עס איז געשלאסן געווארן די שידוך פון א אייניקל ביי כ"ק אדמו"ר מפינסק קארלין שליט"א, די חתן א זון פון זיין זון הגה"צ ר' ברוך ראזענפעלד שליט"א אב"ד פינסק קארלין מודיעין עילית, איידעם ביי הגה"צ ר' יהודה יחיאל שיינפעלד שליט"א אדמו"ר מטאלטשאווא, מיט די כלה א טאכטער פון הרב חיים דוד גראסמאן הי"ו מנכ"ל מוסדות פינסק קארלין בארה"ק.
שמחת בית פאפא: היינט קומט פאר די שמחת השבע ברכות פון א אייניקל ביי כ"ק אדמו"ר מפאפא שליט"א, די כלה א טאכטער פון זיין איידעם הגה"צ ר' מאיר יחיאל מיכל דייטש שליט"א אבד"ק מעייני הישועה מאנסי, זון פון הגה"צ ר' יחזקאל דייטש שליט"א אבד"ק מקור חיים, מיט די חתן א זון פון הגה"צ ר' משה מנחם זעגעלבוים שליט"א אבד"ק אלכסנדר וומס"ב, זון פון הגה"צ ר' ליפא זעגעלבוים שליט"א מוויען, און איידעם ביי הגה"צ ר' סיני האלבערשטאם שליט"א אדמו"ר מצאנז וומס"ב. – די שמחת השבע ברכות קומט פאר אין ביהמ"ד מעייני הישועה אין מאנסי.
היינט ז' שבט געפאלט די יומא דהילולא קדישא פון הרה"ק רבי דוד'ל לעלובער זי"ע, נכדו כ"ק אדמו"ר מלעלוב שליט"א וועט פוקד זיין דעם ציון הק' אין שטאט לעלוב אינאיינעם מיט פילע חסידים, און אפרעכטן די מעמד ההדלקה כנהוג, און דערנאך די יארצייט טיש אינעם גרויסן שאטער נעבן די בנין הכנסת אורחים אין לעלוב.
היינט ז' שבט געפאלט די יומא דהילולא קדישא פון הרה"ק רבי מרדכי דוד מדאמבראווא זי"ע, פילע אידן וועלן פוקד זיין דעם ציון הק' אין שטאט דאמבראווא אין פוילין.
היינט נאכט ח' שבט געפאלט די יומא דהילולא קדישא פון כ"ק אדמו"ר מאלעסק זצ"ל בעל ויזרע יצחק, די צענטראלע סעודת הילולא אין שפיץ פון די קינדער האדמורי"ם והרבנים קומט פאר בבית מדרשו קהל לב שמח אלעסק אין בארא פארק, בנו כ"ק אדמו"ר מאלעסק ארה"ק שליט"א וועט אפרעכטן די יארצייט טיש היינט אויפדערנאכט בבית מדרשו אין די רמה ד' געגנט אין בית שמש.
היינט קומט פאר די מעמד יובל העשור יוצאים להוראה פאר די הונדערטער חברי הכולל דחסידי צאנז אין ניו יארק, אין שפיץ פון כ"ק אדמו"ר מצאנז שליט"א וועלכער איז צוגאסט די טעג אין ניו יארק בקרב חסידיו, די מעמד קומט פאר אין ביהמ"ד קהל עדת חסידים אויף בעיטס דרייוו אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
