שמחת בית גור: היינט קומט פאר די שמחת החתונה פון א אייניקל ביי כ"ק אדמו"ר מגור שליט"א, די כלה א טאכטער פון זיין איידעם הגה"צ ר' חיים יהושע שארר שליט"א, זון פון הגה"צ ר' ישראל שמחה שארר שליט"א ראש ישיבת אור שמח, מיט די חתן א זון פון הרב חיים שמעון שפירא שליט"א, זון פון הנגיד החסיד ר' יצחק שפירא הי"ו פון לאנדאן. – די שמחת החתונה קומט פאר אין ביהמ"ד הגדול גור אין ירושלים.
שמחת בית זוועהיל – טרעבישאן – פינסק קארלין: היינט קומט פאר די שמחת החתונה פונעם חתן א זון פון כ"ק אדמו"ר מזוועהיל שליט"א, אייניקל פון כ"ק אדמו"ר מראחמיסטריווקא זצ"ל, מיט די כלה א טאכטער פון כ"ק אדמו"ר מטרעבישאן שליט"א, איידעם ביי כ"ק אדמו"ר מפינסק קארלין שליט"א. – די שמחת החתונה קומט פאר אינעם גרויסן זאל אויף רחוב המלאכה אין בית שמש.
שמחת בית וויזניץ – זוועהיל: היינט קומט פאר די שמחת החתונה פון א אייניקל ביי כ"ק אדמו"ר מזוועהיל ירושלים שליט"א, די חתן א זון פון זיין איידעם הגה"צ ר' יחיאל חיים ליבערמאן שליט"א, זון פון הגה"צ ר' יהושע ליבערמאן שליט"א ראש ישיבת שומרי החומות, מיט די כלה א טאכטער פון הגה"צ ר' ברוך שטערנבוך שליט"א אב"ד וויזניץ בראכפעלד, זון פון הגה"צ ראב"ד אנטווערפן זצ"ל, און איידעם ביי הגה"צ ר' מנחם ארנסטר שליט"א ראש ישיבת וויזניץ. – די שמחת החתונה קומט פאר אין ביהמ"ד הגדול אין קרית וויזניץ בני ברק.
שמחת בית תולדות יהודה סטוטשין: היינט קומט פאר די שמחת החתונה פונעם חתן א זון פון הגה"צ ר' צבי אביגדור יאזעפאוויטש שליט"א, זון פון הגה"צ ר' יוסף ברוך יאזעפאוויטש שליט"א אבד"ק צלותא דשלמה, און איידעם ביי הגה"צ אבד"ק סענדזשארץ שליט"א, מיט די כלה א טאכטער פון הגה"צ ר' ישראל זילה זילבער שליט"א אבד"ק תולדות יהודה סטוטשין אין מאנסי, זון פון כ"ק אדמו"ר מתולדות יהודה סטוטשין שליט"א. – די שמחת החתונה קומט פאר אין זאל עטרת טשארנא אין מאנסי.
היינט קומט פאר די שמחת החתונה פונעם חתן א זון פון כ"ק אדמו"ר מזידטשויב מארין פארק שליט"א, זון פון כ"ק אדמו"ר מזידטשויב שיקאגא זצ"ל, און איידעם ביי הגה"צ אבד"ק פרעמישלאן פלעטבוש זצ"ל, מיט די כלה א טאכטער פון כ"ק אדמו"ר מקאלאמייא שליט"א, זון פון כ"ק אדמו"ר מסאסרעגען זצ"ל, און איידעם ביי כ"ק אדמו"ר מצאנז זצ"ל פון בארא פארק. – די שמחת החתונה קומט פאר אין זאל עטרת חי' אין בארא פארק.
שמחת בית סאטמאר – ספינקא – פאפא ב"פ: היינט קומט פאר די שמחת התנאים פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין זון הגה"צ ר' יעקב בער טייטלבוים שליט"א אבד"ק סיגעט, איידעם ביי כ"ק אדמו"ר משאפראן זצ"ל, מיט די חתן א זון פון הגה"צ ר' יהושע שלום ווייס שליט"א אבד"ק ספינקא, זון פון כ"ק אדמו"ר מספינקא שליט"א, און איידעם ביי הגה"צ אבד"ק פאפא ב"פ שליט"א. – די שמחת התנאים קומט פאר אין זאל פון עטרת גאלדא אין בארא פארק.
שמחת בית וויזניץ: היינט קומט פאר די לעצטע שמחת השבע ברכות פונעם חתן א זון פון הגה"צ ר' נפתלי מרדכי טויב שליט"א אב"ד קאלוב טשעסנאט רידזש, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מוויזניץ שליט"א פון מאנסי, מיט די כלה א טאכטער פון הגה"צ ר' חיים מאיר פיש שליט"א, זון פון כ"ק אדמו"ר מביקסאד שליט"א, און איידעם ביי הגה"צ אבד"ק ראחמיסטריווקא מאנסי שליט"א. – די שמחת השבע ברכות קומט פאר אין היכל ישיבה גדולה אמרי חיים וויזניץ אין נייעק.
שמחת בית ראחמיסטריווקא: עס איז געשלאסן געווארן די שידוך פון א אייניקל ביי כ"ק אדמו"ר מראחמיסטריווקא שליט"א פון וויליאמסבורג, אור אייניקל פון הגה"צ אבד"ק ראחמיסטריווקא מאנסי שליט"א, די חתן א זון פון זיין איידעם הגה"צ ר' יוחנן טווערסקי שליט"א, זון פון הגה"צ ר' מנחם נחום טווערסקי שליט"א, איידעם ביי כ"ק אדמו"ר מראחמיסטריווקא זצ"ל, מיט די כלה א טאכטער פון הגה"צ ר' מאיר ברוך שטיין שליט"א, זון פון כ"ק אדמו"ר מפאלטישאן בענסענהוירסט שליט"א, און איידעם ביי הגה"צ בעל אור שלום מוויזניץ זצ"ל.
היינט קומט פאר די שמחת הברית פון צוויי אור אייניקלעך ביי כ"ק אדמו"ר מבית יצחק ספינקא שליט"א, בן הנולד ביי הרב ברוך הורוויץ שליט"א, זון פונעם רבינ'ס איידעם הגה"צ ר' אליעזר צבי הורוויץ שליט"א, זון פון הגה"צ אבד"ק סאטמאר מאנטשעסטער שליט"א, און איידעם ביי הגה"צ ר' ישכר בעריש טירנויער שליט"א, זון פון כ"ק אדמו"ר מחוסט שליט"א, און איידעם ביי כ"ק אדמו"ר מהאדאס שליט"א. און בן הנולד ביי הרב אליעזר זאב כהנא שליט"א, זון פון הגה"צ ר' יצחק אייזיק כהנא שליט"א מספינקא, און איידעם ביים רבינ'ס זון הגה"צ ר' יודל הורוויץ שליט"א. – די שמחות קומען פאר אין ספינקא בית המדרש אויף קיעפ סטריט אין וויליאמסבורג.
כ"ק אדמו"ר מוויזניץ שליט"א פון קייאמישע לאזט זיך היינט ארויס אויף א לענגערע מסע הקודש קיין ארץ ישראל, לקראת די שמחות החתונות פון צוויי אייניקלעך וואס קומט פאר אין בני ברק.
כ"ק אדמו"ר מצאנז שליט"א וועלכער איז צוגאסט די טעג אין ניו יארק בקרב חסידיו, וועט היינט אנקומען קיין וויליאמסבורג און אויפנעמען דעם ציבור חסידים מיט קוויטלעך, אין ביהמ"ד צאנז אויף העריסאן.
כ"ק אדמו"ר משומרי אמונים שליט"א קומט היינט אן צוגאסט אויף א קורצע באזוך אין ניו יארק, צו באשיינען די שמחת החתונה פון א אייניקל ביים פאטער כ"ק אדמו"ר בעל תפארת אהרן זצ"ל משומרי אמונים.
היינט נאכט ט' שבט געפאלט די פינף און צוואנציגסטע הילולא קדישא פון כ"ק אדמו"ר מסקווירא זצ"ל מב"פ, בנו ממלא מקומו כ"ק אדמו"ר מסקווירא מב"פ שליט"א וועט אפרעכטן די יארצייט טיש און סיום הש"ס היינט אויפדערנאכט בבית מדרשו אין בארא פארק.
