אין די צייט וואס הונדערטער אידן זענען געווען פארזאמלט די נאכט אויף א פארברענג אין די חב"ד הויפטקוואטיר אויף 770 איסטערן פארקוועי אין קראון הייטס, לכבוד י' שבט די יארצייט פונעם הייליגן מהריי"צ זי"ע, האט זיך אפגעשפילט א שרעקעדיגע קאר אטאקע אינדרויסן פון די געביידע, ווען א פארשוין איז אריינגעפארן מיט זיין קאר אין די געביידע.
דער פארשוין איז געקומען צו פארן ווילד און האט אריינגעקראכט אין די געביידע, נאך וואס ער האט נישט עספיעט דורכצוברעכן די טיר האט ער פרובירט איינמאל און נאכאמאל, און די פאליציי איז באלד אנגעקומען אויפן סצענע און אים אוועקגעפירט אונטער ארעסט.
די באאמטע זאגן אז דער פארשוין איז גייסטיש אומסטאביל, און איז בעפאר דעם געווען אין א חב"ד ישיבה אין ניו דזשערזי זאגענדיג אז ער וויל זיך מגייר זיין, די בחורים אין ישיבה האבן אים אפגעזאגט, און דאן איז ער געווארן שטארק אויפגעברויזט.
די אטאקע האט געברענגט גרויס שרעק, און זארג אז עס האנדלט זיך פון א ערנסטע טעראר אטאקע, לאקאלע פאליטיקאנטן זענען ארויסגעקומען מיט שארפע סטעיטמענטס, און עטליכע האבן אויך באזוכט ביי די חב"ד הויפטקוואטיר צו ווייזן שטיצע מיט די אידישע געמיינדע, אריינגערעכנט דער ניו יארק סיטי מעיאר זאהראן מאמדאני.
