שמחת בית וויזניץ: היינט קומט פאר די שמחת החתונה פון א אייניקל ביי כ"ק אדמו"ר מוויזניץ שליט"א פון וויליאמסבורג, די כלה א טאכטער פון בנו יחידו הגה"צ ר' חיים מאיר האגער שליט"א, איידעם ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מויזניץ שליט"א, מיט די חתן א זון פון כ"ק אדמו"ר מטארנא שליט"א. – די שמחת החתונה קומט פאר אין ביהמ"ד הגדול וויזניץ אין וויליאמסבורג.

שמחת בית קרעטשניף סיגעט – שענדישוב – זידטשויב – פאלטישאן: היינט קומט פאר די שמחת החתונה פונעם חתן א זון פון הרב יוסף מאיר שטיין שליט"א, זון פון הגה"צ ר' דוד שלמה שטיין שליט"א ראה"כ ספינקא, זון פון הגה"צ גאב"ד פאלטישאן שליט"א, און איידעם ביי כ"ק אדמו"ר מזידטשויב שליט"א פון וויליאמסבורג, מיט די כלה א טאכטער פון הרב מאיר ארי' לייב ראזענבוים שליט"א, זון פון כ"ק אדמו"ר מקרעטשניף סיגעט שליט"א, און איידעם ביי כ"ק אדמו"ר משענדישוב שליט"א. – די שמחת החתונה קומט פאר אין הייטנער זאל אין בארא פארק.

שמחת בית מודזיץ – האלמין – צאנז קלויזענבורג: היינט קומט פאר די שמחת החתונה פון א אייניקל ביי כ"ק אדמו"ר ממודזיץ שליט"א, די חתן א זון פון זיין זון הגה"צ ר' שמואל אליהו טאוב שליט"א, איידעם ביי הגה"צ ר' אליהו שטערן שליט"א אב"ד אור המאיר רחובות, מיט די כלה א טאכטער פון הגה"צ ר' דוד גראס שליט"א מו"ץ בק"ק צאנז קלויזענבורג אין בארא פארק, זון פון כ"ק אדמו"ר מהאלמין שליט"א, און איידעם ביי הגה"צ גאב"ד קרית צאנז ירושלים שליט"א. – די שמחת החתונה קומט פאר אינעם גרויסן אודיטוריום אויף רחוב רבינוב אין בני ברק.

שמחת בית קאסאן – ספינקא – ראפשיץ: היינט קומט פאר די שמחת החתונה פון אייניקל ביי כ"ק אדמו"ר מקאסאן שליט"א, די כלה א טאכטער פון זיין איידעם הגה"צ ר' ישראל ישורון ווייס שליט"א, זון פון כ"ק אדמו"ר מספינקא שליט"א, מיט די חתן א זון פון הגה"צ ר' פנחס שלום ראטטענבערג שליט"א, זון פון כ"ק אדמו"ר מקאסאן הילקרעסט שליט"א, און איידעם ביי כ"ק אדמו"ר מראפשיץ שליט"א. – די שמחת החתונה קומט פאר אין זאל אור החיים וויזניץ אין בארא פארק.

היינט קומט פאר די שמחת החתונה פונעם חתן א זון פון הגה"צ ר' חיים שלמה מיללער שליט"א אב"ד נייטרא וומס"ב, זון פון הגה"צ אבד"ק אייזענשטאט שליט"א, און איידעם ביי הגה"צ אבד"ק דושינסקיא וומס"ב זצ"ל, מיט די כלה א טאכטער פון הגה"צ ר' שלמה יודא זלמן לייב שנעעבאלג שליט"א אב"ד קנין תורה אין עירמאונט, זון פון הגה"צ ר' חיים פייוויל שנעעבאלג שליט"א אב"ד קהל אברכים מאנסי, און איידעם ביי כ"ק אדמו"ר מלויעוו טשערנאביל פארשעי שליט"א. – די שמחת החתונה קומט פאר אין עטרת טשארנא זאל אין מאנסי.

שמחת בית קארלין סטאלין: היינט קומט פאר די שמחת השבע ברכות פון א אייניקל ביי כ"ק אדמו"ר מקארלין סטאלין שליט"א, די כלה א טאכטער פון זיין איידעם הגה"צ ר' משה וויליגער שליט"א, זון פון הגה"צ ר' לייבל וויליגער שליט"א ר"ם בישיבת תורה ודעת, מיט די חתן א זון פון הרה"ג ר' מרדכי אורי הלוי ענגלמאן שליט"א מח"ס ברית הלוי. – די שמחת השבע ברכות קומט פאר אין ביהמ"ד הגדול קארלין סטאלין אויף רחוב אבינועם ילין אין ירושלים.

שמחת בית וויזניץ: היינט קומט פאר די שמחת השבע ברכות פון די כלה א טאכטער ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די חתן א זון פון הגה"צ ר' אלימלך בער פיש שליט"א אב"ד תפארת מרדכי טשעסנאט רידזש, זון פון כ"ק אדמו"ר מביקסאד שליט"א, און איידעם ביי הגה"צ אבד"ק קראלי מאנסי שליט"א. – די שמחת השבע ברכות קומט פאר אין די נאכמיטאג שעות פאר די ילדי הת"ת אמרי חיים וויזניץ אין בארא פארק, און שפעטער ביינאכט א פראכטפולע שבע ברכות פאר אלע מרביצי תורה אינערהאלב מוסדות וויזניץ אין בארא פארק.

היינט קומט פאר די שמחת פדיון הבן פון א אור אייניקל ביי כ"ק אדמו"ר מפאפא שליט"א, אייניקל פון בנו הגדול הגה"צ ר' מאיר גרינוואלד שליט"א דומ"ץ פאפא, בן הנולד ביי זיין זון הרב מנחם שלמה גרינוואלד שליט"א, איידעם ביי הגה"צ ר' חיים שלמה זינגער שליט"א, זון פון הגה"צ אבד"ק וראש ישיבת אלכסנדר שליט"א, און איידעם ביי כ"ק אדמו"ר מקאלאמייא שליט"א, אור אייניקל פון כ"ק אדמו"ר מסטריזוב שליט"א. – די שמחה קומט פאר אין ביהמ"ד הגדול פאפא אין וויליאמסבורג.

היינט קומט פאר א גרויסע מעמד פאר כלל חסידי סלאנים בארה"ק, זיך צו מחזק זיין א דרגא ארויף קעגן די פגעי הטעכנעלאגיע, די מעמד קומט פאר אין ביהמ"ד הגדול סלאנים אויף רחוב דורש טוב אין ירושלים, אין שפיץ פון כ"ק אדמו"ר מסלאנים שליט"א וועלכער קערט זיך היינט צוריק קיין ארץ ישראל נאך א באזוך בקרב חסידיו אין ניו יארק.

היינט כ"א שבט געפאלט די יומא דהילולא קדישא פון כ"ק אדמו"ר הרה"ק בעל חלקת יהושע מביאלא זי"ע, נכדו כ"ק אדמו"ר מביאלא שליט"א וועט ארויפגיין צום ציון הק' און אפרעכטן די יארצייט טיש אין ביהמ"ד הגדול ביאלא אין ירושלים.

ראש הישיבה הגאון הגדול רבי שאול אלתר שליט"א וועלכער איז אנגעקומען צוגאסט קיין אמעריקע לטובת מוסדותיו הקדושים, וועט היינט מיטוואך אנקומען קיין בארא פארק, און אויפדערנאכט פארלערנען א צענטראלע שיעור אין די זאלן פון עטרת גאלדא.

כ"ק אדמו"ר מוויזניץ שליט"א פון מאנסי פארט היינט ארויס קיין קאליפארניע, וואו דער רבי וועט זיך אויפהאלטן די קומענדיגע וואך אויף אפרוה.

כ"ק אדמו"ר מוויזניץ שליט"א פון קייאמישע פארט היינט ארויס קיין לאס אנדזשעלעס קאליפארניע, וואו דער רבי וועט וויילן די קומענדיגע וואך לטובת מוסדותיו הקדושים.

כ"ק אדמו"ר מדעעש שליט"א וועלכער האט געוויילט די לעצטע וואך צייט אין ניו יארק לרגל די שמחת החתונה פון א אייניקל, קערט זיך היינט צוריק למעון קדשו אין בני ברק.

אריינצושיקן מודעות און נייעס, שיקט אן אימעיל צו NEWS@JDNMAIL.COM