פארלאפענעם מאנטאג פרשת שמיני כ"ב אדר ב', איז געפראוועט געווארן די שמחת החתונה בחצר הקודש באבוב 45, שמחת החתונה פונעם חתן א זון פון הגה"צ ר' משה שמעון וואזנער שליט"א רב דקהל שאטו פארק אין לעיקוואד, מיט די כלה א טאכטער פונעם רבינ'ס זון הגה"צ ר' יחזקאל אונגער שליט"א, איידעם ביי הגה"צ ר' אלטר אליעזר הורוויץ שליט"א רב ביהמ"ד קדושת יו"ט ד'סאטמאר ב"פ, זון פון הגה"צ אבד"ק זאליזשא שליט"א, און איידעם ביי הגה"צ ר' יצחק אלעזר מאסקאוויטש שליט"א אדמו"ר משאץ.
ביים שמחת החתונה וואס איז פארגעקומען אין ביהמ"ד הגדול באבוב 45 אין בארא פארק, האט זיך באטייליגט צווישן אנדערע דער פעטער פון חתן כ"ק אדמו"ר משבט הלוי שליט"א, וועלכער איז ספעציעל געקומען צו פארן פון ארץ ישראל באשיינען די שמחה, אויך האבן זיך באטייליגט כ"ק האדמורי"ם מראחמיסטריווקא, בית חיים יהושע און נאך.
מיט סידור קידושין איז מכובד געווארן דער עלטער זיידע כ"ק אדמו"ר משאץ שליט"א, קריאת הכתובה דער עלטער פעטער הגה"צ אבד"ק באבוב 45 שליט"א, די ברכות איז צוטיילט געווארן צווישן די קרובי המשפחה, דער עלטער זיידע הגה"צ אבד"ק זאליזשא שליט"א, הגה"צ אבד"ק גרויסווארדיין סטעטן איילענד שליט"א, כ"ק אדמו"ר משבט הלוי שליט"א, הגה"צ אב"ד סאדאוונא שליט"א, הגה"צ אב"ד קדושת יו"ט ד'סאטמאר שליט"א, און ברכה אחריתא דער זיידע כ"ק אדמו"ר מבאבוב 45 שליט"א.
