היינט מוצאי שבת וועט פארקומען א גרויסע מעמד בחצר הקודש באבוב 45, געאייגענט ספעציעל פאר די הונדערטער בחורי חמד פון די קהילה, וועלכע נעמען אונטער א תורה'דיגע פראיעקט צו לאזן שרייבן א מהודר'דיגע ספר תורה, באגלייט מיט שעות רצופות בתורה שבעל פה.
אין ראם פון חברת לומדי תורה, אין וואס די בחורים וועלן עוסק זיין בלימוד התורה ברצופות אין לויף פון די קומענדיגע ימי השובבי"ם, וועלן די בחורים קונה זיין א זכות אינעם ספר תורה מיט די שעות רצופות, און די ספר תורה וועט ווערן אריינגעגעבן צום בנין החדש פון די ישיבה הקדושה ברוב פאר והדר לשם ולתפארה.
די גרויסע מעמד משולשת בתורה קומט פאר היינט מוצאי שבת קודש בהיכל ביהמ"ד הגדול אין בארא פארק, אינאיינעם מיט די סעודת מלוה מלכה וואס ווערט אפגעראכטן מדי שבוע בשבוע אין שפיץ פונעם רבי'ן שליט"א. דער רבי וועט משמיע זיין דברות קודש און אריינשרייבן די ערשטע אותיות, אויך וועט מען הערן א דרשה פון הרה"ג ר' אהרן יודא גארדאן שליט"א מנהל המתיבתא, און הרה"ג ר' ישראל מרגליות שליט"א מגיד מישרים.
