א היסטארישע שמחה ווערט יעצט געמאלדן פאר אלפי חסידי באבוב 45, ווען צום ערשטן מאל בקורות ימי החסידות ווערט געשלאסן א דאפלטע שידוך במעון קדשו פונעם מנהיג העדה, ווען צוויי זיהן פון כ"ק אדמו"ר מבאבוב 45 שליט"א זענען זיך משדך איינער מיטן צווייטן אין א מזל'דיגע שעה.
די חתן איז דער עלטסטער זון פונעם רבינ'ס פערטע זון הגה"צ ר' יחזקאל אונגער שליט"א, איידעם ביי הגה"צ ר' אלטר אליעזר הורוויץ שליט"א רב ביהמ"ד קדושת יו"ט ד'סאטמאר ב"פ, זון פון הגה"צ אבד"ק זאליזשא שליט"א, און איידעם ביי הגה"צ רבי יצחק אלעזר מאסקאוויטש שליט"א אדמו"ר משאץ. די כלה איז א טאכטער פונעם רבינ'ס דריטע זון הגה"צ ר' חיים בנציון אונגער שליט"א, וועלכער איז אן איידעם ביי הגה"צ ר' יצחק טובי' רובין זצ"ל מציעשנוב.
די שמחה ברענגט אויף היסטארישע מאמענטן ביי די חסידים אומעטום, ווען צום ערשטן מאל איז מען זוכה זיך מיטצופרייען מיט א דאפלטע שידוך במעון קדשו פונעם רבי'ן, די שמחת הווארט קומט פאר יעצט מיטאג בביתו נאוה קודש פונעם דאפלטן זיידן כ"ק אדמו"ר מבאבוב 45 שליט"א, וועלכער איז מפאר על ראש שמחתו הכפולה באנפין נהירין.
