היינט קומט פאר די שמחת הווארט פון א אייניקל ביי כ"ק אדמו"ר מסקווירא שליט"א, די חתן א זון פון זיין זון הגה"צ ר' חיים מאיר טווערסקי שליט"א, איידעם ביי כ"ק אדמו"ר מבארניב שליט"א, מיט די כלה א טאכטער פון הגה"צ ר' אלטר זאב פרענקל שליט"א, זון פון כ"ק אדמו"ר מוויעליפאלי שליט"א, און איידעם ביי הגה"צ ר' אלישע סעקולא שליט"א אבד"ק סאדאוונא מאנסי, איידעם ביי כ"ק אדמו"ר מסטריזוב שליט"א. – די שמחה קומט פאר אין ביהמ"ד וויעליפאלי אין פלעטבוש.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין עלטסטן איידעם הגה"צ ר' העניך אשכנזי שליט"א רב ביהמ"ד אבני צדק אין קרית יואל, בן הנולד ביי זיין איידעם הגה"צ ר' מאיר יודא אשכנזי שליט"א רב ביהמ"ד אור ישראל אין קרית יואל, זון פון הגה"צ ר' זלמן אשכנזי שליט"א אבד"ק אוסטילא. – די שמחה קומט פאר אין ביהמ"ד אור ישראל אין קרית יואל.
עס איז געשלאסן געווארן די שידוך פונעם חתן א זון פון הגה"צ ר' יחיאל ברוך געללער שליט"א דומ"ץ באבוב וומס"ב, זון פון הגה"צ ר' חיים געללער שליט"א ר"ם במתיבתא דבאבוב, און איידעם ביי הגה"צ אבד"ק ביסטריץ שליט"א, מיט די כלה א טאכטער פון הגה"צ ר' יוסף ארנסטר שליט"א אבד"ק אלכסנדר ב"פ, זון פון הגה"צ ר' ישראל ארנסטר שליט"א, און איידעם ביי הגה"צ ר' שמעי' לעוו שליט"א נשיא תפארת אליעזר.
היינט קומט פאר א גרויסע אסיפה בחצר הקודש באבוב 45, צום מבצע המחנה מיטן אפקויף פון די נייע גיגאנטישע יונגל קעמפ מחנה בני באבוב 45 אין ראקהיל, עס קומט פאר אין ביהמ"ד הגדול באבוב 45 אין בארא פארק, אין שפיץ פון כ"ק אדמו"ר מבאבוב 45 שליט"א.
היינט קומט פאר די כינוס "לטהרנו ולקדשינו" בחצר הקודש וויזניץ אין וויליאמבורג, זיך צו מחזק זיין קעגן די פגעי הטעכנעלאגיע, די מעמד קומט פאר אין ביהמ"ד הגדול דקהל תורת חיים וויזניץ אויף ליע עוועניו, אין שפיץ פון כ"ק אדמו"ר מוויזניץ שליט"א פון וומס"ב וועלכער וועט אויפטרעטן מיט דברות קודש.
כ"ק אדמו"ר מוויען שליט"א וועלכער איז נעכטן ארויסגעפארן אויף א מסע הקודש "נחלת הבונים" צו די קברי צדיקים אין אייראפע, וועט היינט אנקומען צום שטאט גור, אויף א תפילה ביים ציון הק' פון אדמור"י בית גור, אין שטאט קאזניץ ביים ציון הק' פון הרה"ק המגיד מקאזניץ זי"ע, אין שטאט מיידאנעק ביי די טרויעריג בארימטע לאגער וואו טויזענטער קדושים זענען ליידער אומגעקומען על קידוש השם, און אין שטאט לובלים ביים ציון הק' פון די ארטיגע צדיקים.
כ"ק אדמו"ר מתולדות צבי ספינקא שליט"א וועלכער איז נעכטן ארויסגעפארן אויף א מסע הקודש צו די קברי צדיקים אין אייראפע, וועט היינט מתפלל זיין ביי די מקומות הקדושים אין קראקא, אין צאנז ביים ציון הק' פונעם הייליגן צאנזער רב הרה"ק בעל דברי חיים זי"ע, און אין דינוב ביים ציון הק' פונעם הייליגן בני יששכר זי"ע.
אריינצושיקן מודעות און נייעס, שיקט אן אימעיל צו NEWS@JDNMAIL.COM
