שמחת בית סאטמאר: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין איידעם הגה"צ ר' שמעון זאב מייזליש שליט"א רב ביהמ"ד ישמח משה קרית יואל, זון פון הגה"צ גאב"ד סיגעיט זצ"ל, מיט די חתן א זון פון הגה"צ ר' גבריאל יודא שפיטץ שליט"א, זון פון הגה"צ ר' שמואל שלמה שפיטץ שליט"א אבד"ק רענדיק, און איידעם ביי הגה"צ ר' בעריש מייזליש שליט"א מווייטצען לאנדאן, אור אייניקל פון הגה"צ אבד"ק שאמשאן שליט"א.
שמחת בית וויזניץ – שאץ – ראדוויל: עס איז געשלאסן געווארן די שידוך פונעם חתן א זון פון הגה"צ ר' ישראל מאסקאוויטש שליט"א, זון פון כ"ק אדמו"ר משאץ שליט"א פון מאנסי, און איידעם ביי כ"ק אדמו"ר מוויזניץ שליט"א פון ירושלים, מיט די כלה א טאכטער פון כ"ק אדמו"ר מראדוויל שליט"א פון מאנסי, איידעם ביי הגה"צ ר' יהושע זעהוואלד שליט"א אבד"ק אלטשטאט.
עס איז געשלאסן געווארן די שידוך פונעם חתן א זון פון הגה"צ ר' אהרן גאנץ שליט"א אבד"ק גרויסווארדיין מאנסי, איידעם ביי הגה"צ ר' שמואל גרויס שליט"א מקערעסטיר בערבעשט, מיט די כלה א טאכטער פון הגה"צ ר' אברהם יהושע העשיל טווערסקי שליט"א, זון פון כ"ק אדמו"ר מפאלטישאן שליט"א, און איידעם ביי הגה"צ ר' יוחנן וואזנער שליט"א ראב"ד סקווירא.
היינט קומט פאר די שמחת הברית פון א אור אייניקל ביי כ"ק אדמו"ר מתולדות אברהם יצחק שליט"א, אייניקל פון זיין איידעם הגה"צ ר' ארי' לייבוש טייטלבוים זצ"ל הי"ד, זון פון הגה"צ אבד"ק וואלאווע שליט"א, בן הנולד ביי זיין זון הרב נפתלי חיים טייטלבוים שליט"א, איידעם ביי הגה"צ ר' נתן דוד אשכנזי שליט"א אדמו"ר מסטאניסלאוו אלעסק לינדען. – די שמחה קומט פאר אין ביהמ"ד סטאניסלאוו אלעסק אין לינדען.
היינט קומט פאר די שמחת התנאים פונעם חתן א זון פון הרב מענדיל בר חורין שליט"א, איידעם ביי הגה"צ ר' שלמה הכהן גראס זצ"ל דומ"ץ בעלזא ב"פ, מיט די כלה א טאכטער פון הגה"צ ר' מרדכי שיף שליט"א אבד"ק איגוד אברכים ב"פ, זון פון הגה"צ גאב"ד אנטווערפן שליט"א, און איידעם ביי הגה"צ ר' אברהם שפירא זצ"ל, זון פון כ"ק אדמו"ר מנאראל שליט"א, און איידעם ביי כ"ק אדמו"ר מקאסאן ב"ב שליט"א. – די שמחת התנאים קומט פאר אין זאל פרדס נח בעלזא אין בארא פארק.
היינט נאכט כ' אייר געפאלט די יומא דהילולא קדישא פונעם הייליגן טשערנאבילער מגיד זי"ע, די אייניקלעך כ"ק האדמורי"ם לבית טשערנאביל און ראחמיסטריווקא שליט"א וועלן אפרעכטן די יארצייט טישן ברוב עם.
היינט י"ט אייר געפאלט די יומא דהילולא קדישא פונעם הייליגן רבי'ן ר' מענדעלע פון רימנוב זי"ע, פילע אידן קומען אן צום שטאט רימנוב אין פוילין צו פוקד זיין דעם ציון הק' בעצם יומא דהילולא קדישא.
כ"ק אדמו"ר מסערט וויזניץ שליט"א קומט היינט אן קיין אתרא קדישא מירון בראש קהל חסידיו, אויף א תפילת רבים לכבוד ל"ג בעומר.
כ"ק אדמו"ר מבורשטין שליט"א לאזט זיך היינט ארויס אויף א מסע הקודש "יזכור אהבתם" צו די קברי צדיקים אין אייראפע, צום יובל החמשים פון התייסדות קהילת בורשטין, און לקראת עטליכע שמחות במעון קדשו אין די קומענדיגע וואכן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
