גינסטיגע נייעס הערט מען פון די הדסה שפיטאל אין ירושלים, אז כ"ק אדמו"ר מפאריסוב שליט"א וועלכער געפונט זיך שוין א וואך צייט אין א קריטישע מצב, האט זיך ב"ה ערוועקט און דער רבי רעאגירט צו די ארומיגע.
ווי באקאנט איז דער רבי אפגעפירט געווארן אין שפיטאל פארלאפענע וואך, זייענדיג אנגעוויזן אויף מעדיצינישע באהאנדלונגען, און הילף פון לעבנס וויכטיגע מאשינען. דורכאויס די לעצטערע טעג איז פארגעקומען מערערע מניני תהלים און עצרות תפילה לרפואתו השלימה, און אצינד הערט מען ב"ה פאזיטיווע נייעס, אז דער רבי האט זיך ערוועקט און גערעדט מיט די ארומיגע און בני המשפחה.
ווי די מקורבים געבן איבער איז דער רבי נאך אלס אנגעוויזן אויף תפילות ישראל, דער ציבור ווערט געבעטן צו ווייטער דאווענען לרפואת כ"ק מרן הרה"צ רבי חנניה יוסף עקיבא בן רוחמה ליבא בתוך שאר חולי ישראל.
