יעצט נאכמיטאג אין ארץ ישראל איז אנטשטאנען א שרעקליכע אנגסט און פאניק איבער די וועלט, איבער די מצב הבריאות פון כ"ק אדמו"ר מתולדות אברהם יצחק שליט"א, וועלכער געפונט זיך אין די הדסה שפיטאל אין ירושלים און איז פלוצלינג אוועקגעפאלן ל"ע.
דער רבי שליט"א געפונט זיך שוין אין שפיטאל עטליכע טעג, שטייענדיג נאך עטליכע שפיטאליזאציעס אין די לעצטערע וואכן ווען דעם רבינ'ס מצב איז זייער נישט אמבעסטן, אידישע קינדער זענען אומאויפהערליך מתפלל לרפואתו השלימה דער רבי זאל צוריקקומען צו די כוחות, אבער ליידער איז נאך אלס ספר תורה שרוי בצער.
יעצט נאכמיטאג האט דער רבי פארלוירן זיין באוואוסטזיין, וואס האט צוגעברענגט גרויס שרעק ביי די ארומיגע, און האט אנגעזייעט א שרעקליכע כאאס איבער די גאנצע וועלט, נאך עטליכע מינוט האבן די דאקטוירים ב"ה באוויזן צו סטאביליזירן די מצב, און כלל ישראל טוט ווייטער מתפלל זיין לרפואתו השלימה פונעם רבי'ן, כ"ק מרן שמואל יעקב בן יענטא בתוך שאר חולי ישראל.
