שטייענדיג ווייניגער ווי א וואך בעפאר די הילולא קדישא פון כ"ק אדמו"ר הרה"ק מראחמיסטריווקא זצ"ל, וואס געפאלט אויס קומענדיגע וואך מיטוואך ערב ראש חודש אלול, איז אונטערגענומען געווארן א בליץ שנעלע בוי פראיעקט ביים ציון הק' אויפן בית החיים הר שלום אין מאנסי, צו פארגרינגערן פאר די טויזענטער מתפללים ביים ציון הק' רונדע דעם יאר, און בפרט ביומא דהילולא קדישא.
צווישן אנדערע ווערט צוגעבויעט א ספעציעלע חדר הכהנים נעבן דעם אוהל הק', וואו כהנים וועלן קענען מתפלל זיין ביים ציון הק' אן קיין חשש טומאה, אזוי אויך ווערט איבערגעמאכט די פאדלאגע אינעם אוהל הק', און נאך פארשידענע איינריכטונגען לרווחת הציבור.
מטעם הנהלת חברה קדישא דק"ק ראחמיסטריווקא איז געמאלדן געווארן, אז צוליב די בוי ארבעט איז די אוהל הק' פארשלאסן היינט דאנערשטאג, אן קיין מעגליכקייט צו קענען מתפלל זיין ביים ציון הק' דורכאויס די גאנצע טאג.
