אין ליכט פון א רייע מכשולות בכשרות התפילין וואס זעהט זיך אן אין די לעצטע תקופה, האט כ"ק אדמו"ר מצאנז שליט"א פאררופן א ספעציעלע אסיפה במעון הקודש אין קרית צאנז נתני', וואו דער רבי האט געלאזט רופן אלע רבנים ודיינים פון קהילות הקודש צאנז ברחבי ארץ הקודש, צו מעורר זיין איבער די דאזיגע ענין וואס איז גאר וויכטיג עומד על הפרק.
דאס קומט נאכדעם וואס אין די לעצטערע יארן איז אנטשטאנען א רייע חששות איבער די אוינטעטישע כשרות התפילין, ווען די דיקע עור וואס מען נוצט פאר די בתים שאפט א פעלער אין די כשרות הריבוע, וואס איז שטארק מעכב אין די מצוה פון תפילין, און נאך א רייע פראבלעמען וואס זעהט זיך אן ביים ערצייגן די בתים פאר תפילין.
דער רבי שליט"א האט פאררופן די אסיפה פארלאפענעם דאנערשטאג, ערב ראש חודש אלול מוקדם, בעפאר די שמחת הבר מצוה פון א אייניקל, און דורכאויס די אסיפה האט דער רבי באאויפטראגט די רבני הקהילה אוועקצושטעלן א פולשטענדיגע וועד פיקוח מיוחד פון רבנים ודיינים, וואס זאלן זיכער מאכן אז די תפילין ווערן ערצייגט בתכלית הכשרות אן קיין שאלות.
