א העלישע פייער האט אויסגעבראכן היינט פארטאגס אין א לאקאלע שוהל אין לעיקוואד, די באקאנטע "מארדי'ס שטיבל" אויף דעלאווער טרעיל נעבן קאונטי ליין ראוד, די פייער האט אנגעברענגט ערנסטע שאדן פאר די שוהל, אבער בחסדי ה' זענען די ספרי תורה ארויסגעברענגט געווארן אומבאשעדיגט.
ארום זעקס אזייגער פארטאגס האט זיך אנגעזעהן העלישע פלאמען ארויסקומען פון די שוהל געביידע, פייערלעשער זענען אלארמירט געווארן און געארבעט א לענגערע צייט איבערצוקומען די פלאמען, די געביידע האט געליטן ערנסטע שאדן, און עס איז נישט קלאר דערווייל וויאזוי די פייער האט זיך אנגעהויבן.
חברים וואלאונטירן פון לעיקוואד האבן ארויסגעראטעוועט די ספרי תורה פון די שוהל, און בחסדי ה' איז באשטעטיגט געווארן אז עס איז אין א גוטע צושטאנד.
