שמחת בית וויזניץ – קאלוב: היינט קומט פאר די שמחת החתונה פונעם חתן א זון ביי הגה"צ ר' יעקב מאסקאוויטש שליט"א אב"ד תורת חמ"ד נייטרא וומס"ב, זון פון הגה"צ ר' יצחק אלעזר מאסקאוויטש שליט"א אדמו"ר משאץ, און איידעם ביי כ"ק אדמו"ר מקאלוב שליט"א, מיט די כלה א טאכטער פון הגה"צ ר' דוד האגער שליט"א, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחת החתונה קומט פאר אין ביהמ"ד הגדול וויזניץ אין וויליאמסבורג.
שמחת בית תולדות אהרן: היינט קומט פאר די שמחת החתונה פון א אייניקל ביי כ"ק אדמו"ר מתולדות אהרן שליט"א, די כלה א טאכטער פון זיין זון הגה"צ ר' מנחם נחום קאהן שליט"א אב"ד תולדות אהרן גבעת ירושלים בית שמש, איידעם ביי זיין פעטער הגה"צ ר' משה קאהן שליט"א ראש ישיבת תולדות אהרן, מיט די חתן א זון פון הרב בנציון הורוויץ שליט"א פון בארא פארק, אייניקל פון אדמור"י בית באבוב און הארנסטייפל זי"ע. – די שמחת החתונה קומט פאר אין ביהמ"ד הגדול תולדות אהרן אין ירושלים.
שמחת בית מאחנובקא בעלזא – מעליץ: היינט קומט פאר די שמחת החתונה פון א אייניקל ביי כ"ק אדמו"ר ממאחנובקא בעלזא שליט"א, די חתן א זון פון זיין איידעם הגה"צ ר' יוסף מאיר מאסקאוויטש שליט"א, זון פון כ"ק אדמו"ר ממעליץ שליט"א פון אשדוד, מיט די כלה א טאכטער פון הגה"צ ר' דוד ווייס שליט"א, זון פון הגה"צ גאב"ד קרית צאנז ירושלים שליט"א, און איידעם ביי הגה"צ אבד"ק מאקאווא אשדוד שליט"א. – די שמחת החתונה קומט פאר אין ביהמ"ד הגדול מאחנובקא בעלזא אין בני ברק.
היינט קומט פאר די שמחת הנחת תפילין פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א, א זון פון זיין זון הרב מרדכי פנחס טווערסקי שליט"א, איידעם ביי כ"ק אדמו"ר מלויעוו טשערנאביל פארשעי שליט"א. – די מעמד הנחת תפילין קומט פאר אין ביהמ"ד הגדול אין שיכון סקווירא, און די סעודת מצוה שפעטער ביינאכט אין די גרויסע שאטער.
היינט קומט פאר די שמחת השבע ברכות פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' שמעון זאב מייזליש שליט"א אב"ד ישמח משה דקהל יטב לב ד'סאטמאר אין קרית יואל, זון פון הגה"צ גאב"ד סיגעיט זצ"ל, מיט די כלה א טאכטער פון הגה"צ ר' יואל האלבערשטאם שליט"א אב"ד בית שמואל דקהל יטב לב ד'סאטמאר אין קרית יואל, זון פון הגה"צ אבד"ק טשאקאווא זצ"ל, און איידעם ביי הגה"צ גאב"ד סאטמאר ב"פ שליט"א. – די שמחת השבע ברכות קומט פאר אין ביהמ"ד ישמח משה אין שכונת ברך משה אין קרית יואל.
כ"ק אדמו"ר מוויזניץ שליט"א פון לאנדאן קומט היינט אן צוגאסט קיין ניו יארק לטובת מוסדותיו הקדושים, דער רבי וועט זיך אויפהאלטן אין וויליאמסבורג ביז מארגן אינדערפרי, בבית הנגיד החסיד ר' אלטר ישראל בערגער הי"ו, און דערנאך ארויספארן קיין לעיקוואד פאר די קומענדיגע וואך.
כ"ק אדמו"ר מקרעטשניף ירושלים שליט"א וועלכער האט געוויילט די לעצטע צוויי וואכן אין אייראפע לרגל די שמחת החתונה פון א אייניקל, קומט היינט אן צוגאסט קיין ניו יארק פאר די קומענדיגע וואך לטובת מוסדותיו הקדושים, די אכסניא וועט זיין אין שטוב פון הנגיד החסיד ר' חיים פיינשטיין הי"ו אין סיגעיט.
כ"ק אדמו"ר מבית יצחק ספינקא שליט"א וועלכער האט געוויילט די לעצטע וואך צייט אין לאנדאן לרגל די שמחת החתונה פון א אייניקל, קערט זיך היינט צוריק למעון קדשו אין וויליאמסבורג.
כ"ק אדמו"ר מראחוב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון אביו כ"ק אדמו"ר מראחוב זצ"ל, בהיכל בית מדרשו אין די רמת גן געגנט אין בני ברק, נאכן יארצייט טיש וועט דער רבי ארויפגיין צום ציון הק' אינאיינעם מיט די חסידים אויפן וויזניצע בית החיים אין בני ברק.
היינט קומט פאר די סיום מסכת בבא בתרא וואס איז געלערנט געווארן אין ראדאמסקע בית המדרש אין בארא פארק במסגרת דף היומי, עס קומט פאר אין ביהמ"ד קהל חסידי ראדאמסק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
