אין די יעצטיגע טעג איז באשטעטיגט געווארן די זמן החתונה בשמחת בית באיאן, די חתן א זון פון בנו הגדול פון רבי'ן הגה"צ ר' יוסף ברייאר שליט"א, מיט די כלה א טאכטער פון הגה"צ ר' יעקב יוסף גרינפעלד שליט"א מרבני קהילת בעלזא אין לאנדאן, איידעם ביי הגה"צ ר' דוד היילפערין שליט"א אב"ד עדת ישראל הענדאן.
די חתונה וועט פארקומען דינסטאג פרשת בלק י' תמוז אין שטאט לאנדאן מקום מגורי הכלה, אין שפיץ פונעם זיידן כ"ק אדמו"ר מבאיאן שליט"א וועלכער וועט אנקומען אויף א געהויבענע באזוך בקרב חסידיו אין שטאט לאנדאן.
מטעם בית כ"ק אדמו"ר מבאיאן שליט"א איז געמאלדן געווארן, אז פון אנדערע שטעט אויסער לאנדאן וועלן בלויז די עלטערע חסידים פון 45 יאר און העכער, זיין ערלויבט צו קומען צו פארן מיטהאלטן די שמחה, און די וואס האבן חינוך פאסטנס, מרביצי תורה, מלמדים, מגידי שיעור און דאס גלייכן, זאלן זיכער מאכן נישט צו פארפעלן קיין סאך טעג צוליב די שמחה.
