כ"ק אדמו"ר מבאיאן שליט"א וועלכער איז אנגעקומען צוגאסט קיין לאנדאן לרגל די שמחת החתונה פון א אייניקל, וועט אין די קומענדיגע צוויי וואכן פארזעצן די געהויבענע נסיעה לענגאויס ענגלאנד, מיט דריי פרישע געגנטער וואס דער רבי וועט באזוכן אין די נאנטע טעג.
דעם שבת קודש וועט דער רבי וויילן אין שטעטל אוקספארד אין ענגלאנד, וואו עס וועט פארקומען א גרויסארטיגע שבת התאחדות פון כלל חסידי באיאן אין אייראפע, אינאיינעם מיט די שמחת השבע ברכות פון א אייניקל ביים רבי'ן.
תיכף נאך שבת וועט דער רבי ארויספארן קיין חלדודנא ענגלאנד וואו דער רבי וועט זיך אויפהאלטן אויף אפרוה פאר צוויי וואכן, נאך די מעדיצינישע פראצעדור וואס דער רבי איז אריבער מיט עטליכע וואכן צוריק.
קומענדיגן מאנטאג פרשת פנחס וועט דער רבי אנקומען אויף א קורצע באזוך פון עטליכע שעה קיין מאנטשעסטער, צו באשיינען די מעמד חנוכת הבית און הכנסת ספר תורה פאר די נייע טשארטקובע קלויז אין שטאט, וואס שטייט בנשיאות שאר בשרו הגה"צ ר' ישראל פריעדמאן שליט"א אב"ד טשארטקוב מאנטשעסטער. דער רבי וועט באשיינען די סעודת מצוה וואס וועט פארקומען אין די פראכטפולע הילטאן סוויט זאל אין פרעסוויטש מאנטשעסטער, און דערנאך צוריקפארן קיין חלדודנא אויף אפרוה.
