טויזענטער דערקוויקן זיך טעגליך מיט די רייכע און קורצע שיעורים פון הגה"צ אב"ד ראדאשיץ שליט"א
"פופצן מינוט א טאג!"
אין די יעצטיגע טעג טוען שווערע טויזענטער אידן איבער דער גארער וועלט מסיים זיין די דריטע חלק פון משנה ברורה, אין ראם פון די סדר הלימוד הלכה פון "דרשו", מיט א הפלא'דיגע סדר הלימוד און חזרה צו קונה זיין די לימודים אויפן ריכטיגן וועג.
איבער אלעם איז באקאנט די זעלטן קלארע שיעורים פון הגה"צ אבד"ק ראדאשיץ שליט"א, וואס ווערט פארגעלערנט טאג טעגליך אויף דעם סדר הלימוד, א רייכע און קורצע שיעור פון בלויז פופצן מינוט, וואו טויזענטער אידן דערקוויקן זיך בלימוד הלכה, און לערנען די לימוד מיט א זעלטענע קלארקייט און בהירות.
הגה"צ ר' אליעזר האלבערשטאם שליט"א אבד"ק ראדאשיץ לערנט פאר דעם שיעור בבית מדרשו אין עירמאונט, שוין פון די אנהייב פון די יעצטיגע מחזור, ווען מען האט אנגעהויבן דעם סדר לימוד משנה ברורה. דורכאויס די יארן זענען כסדר צוגעקומען פרישע לומדים און מקשיבים וואס האבן שטארק הנאה פון דעם שיעור, וואס קומט פאר יעדן פארטאגס פאר א קורצע צייט.
אויסער דעם ווערט די שיעור פארשפרייט אויף א לעבעדיגע פארנעם אין פארשידענע פארעמעס, עס ווערט ארויסגעשיקט דורך א טעגליכע אימעיל צו טויזענטער איינגעשריבענע, סיי די אוידיאו פונעם שיעור און סיי אויף א לעבעדיגע פארנעם, וואו מען קען זעהן און מיטהאלטן דעם גאנצן שיעור.
עס קומט באגלייט מיט בילדער און טבלאות וואס מאכט פיל גרינגער דאס לערנען, מען זאל קענען ארויסהאבן די תוכן הלימודים מיט א קלארקייט. אזוי אויך קען מען מיטהאלטן דעם שיעור אויפן טעלעפאן, פינף טעג א וואך, בלויז פופצן מינוט א טאג!
אין דעם קורצן שיעור פון פופצן מינוט הערט מען א פולשטענדיגע שיעור אויף דעם גאנצן סדר הלימוד, באגלייט מיט הערליכע משלים און צוגעגעבענע הילף.
גאר אסאך אידן דרוקן אויס שטארקע הנאה פון די זעלטן קלארע שיעורים, און מיט יעדע וואך פארביי שטייגט די צאל לומדים און מקשיבים, עס האלט שוין היינט ביי עטליכע טויזענט אידן וואס הערן אויס דעם שיעור טאג טעגליך און האבן שטארק הנאה דערפון.
איבערהויפט ווען מ'הייבט אן אצינד חלק ד' אין משנה ברורה, אריינגייענדיג אין די פארצווייגטע הלכות פון עירובין, ווען די שיעורים וועלן פארגעקומען באגלייט מיט לעבעדיגע בילדער און טבלאות, ארויסצוהעלפן די לומדים פארשטיין די גענויע דקדוקי הלכה.
קומענדיגן זונטאג פרשת וישב הייבט מען אן אין א מזל'דיגע שעה חלק ד' הלכות עירובין, און צו זיין א טייל פונעם דעם סדר הלימוד קען מען זיך אויפשרייבן צו באקומען די שיעורים טעגליך, אדער צו הערן דעם שיעור אויפן טעלעפאן יעדן טאג.
צו הערן אויפן טעלעפאן, רופט: 845-552-2525
צו מיטהאלטן אויפן וועבזייטל קליקט דא
צו באקומען די שיעורים און בילדער אויף אימעיל טעגליך, שיקט אן אימעיל צו: Shiur@15MinHalacha.org
