עס איז געשלאסן געווארן די שידוך פונעם חתן א זון פון הגה"צ ר' שלום טייטלבוים שליט"א דומ"ץ קרית ויואל משה אין מאנטיסעלא, איידעם ביי הגה"צ ר' חיים הערש מייזליש שליט"א, זון פון הגה"צ גאב"ד סאטמאר ב"פ שליט"א, און איידעם ביי כ"ק אדמו"ר מוויזניץ שליט"א לרפו"ש, מיט די כלה א טאכטער פון הגה"צ ר' שלמה רובין שליט"א אבד"ק ציעשנוב קרית יואל, זון פון הגה"צ אבד"ק ציעשנוב שליט"א, און איידעם ביי הגה"צ גאב"ד סאטמאר מאנטריאל שליט"א, אור אייניקל פון כ"ק אדמו"ר מסטריזוב שליט"א.
עס איז געשלאסן געווארן די שידוך פונעם חתן א זון פון הגה"צ ר' ישעי' גאנץ שליט"א, זון פון הגה"צ אבד"ק גרויסווארדיין שליט"א פון מאנסי, איידעם ביי הגה"צ ר' שמואל גרויס שליט"א מקערעסטיר בערבעשט, און איידעם ביי כ"ק אדמו"ר מדזיקוב מעליץ שליט"א, מיט די כלה א טאכטער פון הגה"צ ר' מרדכי דוב הורוויץ שליט"א, זון פון הגה"צ אבד"ק ראצפערט בראזיל שליט"א, און איידעם ביי כ"ק אדמו"ר משאץ אנטווערפן שליט"א, איידעם ביי הגה"צ ר' יהודה אליעזר יונגער שליט"א אב"ד קהל יראים מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מזוטשקא שליט"א, איידעם ביי כ"ק אדמו"ר משאץ שליט"א פון בני ברק, א זון פון זיין איידעם הגה"צ ר' נפתלי צבי מוטצען שליט"א, זון פון הגה"צ ר' אפרים פישל מוטצען שליט"א גאב"ד קרית הבעש"ט פתח תקוה, איידעם ביי כ"ק אדמו"ר הרה"ק מצאנז קלויזענבורג זצ"ל. – די שמחת הבר מצוה קומט פאר אין ביהמ"ד זוטשקא אין בני ברק.
כ"ק אדמו"ר מתולדות אהרן שליט"א וועלכער האט זיך אויפגעהאלטן די לעצטע פאר וואכן אין מאד אונגארן אויף אפרוה, קערט זיך היינט צוריק למעון קדשו אין ירושלים עיה"ק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול דקהל יטב לב ד'סאטמאר אויף גארפיעלד אין קרית יואל, נדבת הנגיד החסיד ר' אברהם מאיר יעקב פאלאטשעק הי"ו, אין שפיץ פון כ"ק אדמו"ר מסאטמאר שליט"א.
היינט נאכט כ"ד אב געפאלט די יומא דהילולא קדישא פון כ"ק אדמו"ר מקאליש זצ"ל, בניו כ"ק האדמורי"ם מקאליש און סאטינוב שליט"א וועלן אפרעכטן די יארצייט טיש אין ביהמ"ד שערי תורה אין פלעטבוש היינט אויפדערנאכט, און מארגן פרייטאג ארויפגיין צום ציון הק' אויפן בית החיים אין מאנסי.
היינט כ"ג אב געפאלט די יומא דהילולא קדישא פון כ"ק אדמו"ר משומרי אמונים זצ"ל בעל תפארת אהרן, בנו ממלא מקומו כ"ק אדמו"ר משומרי אמונים שליט"א וועט פוקד זיין דעם ציון הק' אויפן הר הזיתים אין די מיטאג שעות, און שפעטער פארנאכטס אפרעכטן די יארצייט טיש און סיום הש"ס אין ביהמ"ד שומרי אמונים אין בני ברק.
היינט קומט פאר די מעמד חלקינו בתורתך בחצר הקודש קרעטשניף י"ם, סיום מסכת שבת והתחלת מסכת עירובין במסגרת עמוד היומי ידעתון דחסידי קרעטשניף י"ם, עס קומט פאר אין זאל טרקלין המפואר אין שטאט מודיעין עילית, אין שפיץ פון כ"ק אדמו"ר מקרעטשניף י"ם שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
