אידישע קינדער בכל מקומות מושבותיהם ווערן גערופן צו מתפלל זיין און מעורר זיין רחמי שמים לרפואת כ"ק אדמו"ר מקרעטשניף סיגעט שליט"א, וועלכער געפונט זיך ליידער אין א קריטישע געזונט צושטאנד, נאכן ליידן פון א ערנסטע סטראוק רח"ל בפניא דמעלי שבתא.
דער רבי שליט"א איז ערשינען ווי געווענליך צום דאווענען פרייטאג צונאכטס, בבית מדרשו אויף רחוב ראפאפורט אין ירושלים, אינמיטן תפילת מנחה איז דער רבי פלוצלינג אוועקגעפאלן רח"ל, מען האט אריינגעפירט דעם רבי'ן צו די שערי צדק שפיטאל וואו עס איז קלאר געווארן אז דער רבי ליידט פון א שווערע סטראוק רח"ל.
ליידער האט זיך די מצב בלויז פארערגערט, ווען דורכאויס שבת איז צוגעקומען פרישע קאמפליקאציעס, און א עמערדזשענסי פראצעדור וואס איז געגאנגען נישט גוט ל"ע, די מצב אצינד איז גאר קריטיש, דער רבי איז אויף א רעספערעיטאר און איז אנגעוויזן אויף תפילת ישראל מיט גרויס רחמי שמים.
אידישע קינדער זענען מתפלל פאר כ"ק מרן זיידא אליעזר זאב בן שפרה לרפואה שלימה, דער רבי זאל ארויסגיין פון דעם מצב סכנה און קענען צוריקקומען צו די כוחות בבריות גופא ונהורא מעליא.
