יעצט ביים מסע הלוויה אין ביהמ"ד קרעטשניף סיגעט אין ירושלים, האט הרה"ג ר' עקיבא וואזנער שליט"א מרבני הקהילה אויסגערופן רצון הקודש פונעם רבי'ן זצ"ל, אז בניו החשובים זאלן ווייטער ממשיך זיין דעם שלשלת הקודש, און בנו בכורו כ"ק אדמו"ר הרה"צ רבי נפתלי הירצקא יצחק שליט"א ווערט אויפגענומען אלס ממלא מקומו באדמורו"ת קרעטשניף סיגעט.
דערביי האט ער ממשיך געווען אז רצון הקודש פונעם רבי'ן איז געווען אז אויך די אנדערע קינדער הרבנים הגאונים שליט"א זאלן ווערן אויפגענומען אלס ממלאי מקומו בקודש צו משפיע זיין אויף די חסידים תורה ויראת שמים. און ממשיך געווען מיט א הארציגע רוף לכל הקהל הקודש, להרבות אהבה אחוה וריעות און זיך האלטן בשלום עד ביאת הגואל.
דער נייער רבי כ"ק אדמו"ר מקרעטשניף סיגעט שליט"א איז אן איידעם ביי הגה"צ ר' יהודה אליעזר דוד ניישלאס שליט"א אבד"ק סערדאהעלי בית שמש און דיין אין די עדה החרדית. די אנדערע קינדער האדמורי"ם זענען כ"ק אדמו"ר הרה"צ רבי יחזקאל שרגא שליט"א אדמו"ר מקרעטשניף סיגעט אין וויליאמסבורג, כ"ק אדמו"ר הרה"צ רבי ניסן חיים מרדכי שליט"א, כ"ק אדמו"ר הרה"צ רבי מאיר ארי' לייב שליט"א, און כ"ק אדמו"ר הרה"צ רבי יואל זוסמאן שליט"א.
