מיט אן אומבאשרייבליכע פרייד האבן די טויזענטער תלמידים פון ישיבת עטרת שלמה אין ארץ ישראל היינט מקבל פנים געווען איינער פון די חשובע תלמידי הישיבה, הב' אריאל שמאי נ"י, וועלכער האט געשמאכטעט אין טורמע פאר די לעצטע צוויי וואכן, פארן זינד פון זיך נישט שטעלן צום מדינת ישראל מיליטער.
די ארעסט פון הב' אריאל האט געפירט צו א מאסיווע מלחמה קעגן די מדינת ישראל רעגירונג, און האט עווענטועל צונויפגעברענגט הונדערטער טויזענטער אידן צום היסטארישן מעמד עצרת המיליאן זעקת התורה וואס איז פארגעקומען פארלאפענע וואך ברחובות העיר ירושלים.
היינט מיטוואך האט אריאל ערהאלטן זיין באפרייאונג סטאטוס עטליכע טעג בעפאר די ארגינעלע פלאן, ער איז באלד אנגעקומען אין שטוב פון הגאון הגדול רבי משה הלל הירש שליט"א ראש ישיבת סלאבאדקע, זיך צו באדאנקען פאר די געוואלדיגע חיזוק און השתדלות וואס דער ראש ישיבה האט אריינגעלייגט די לעצטע צוויי וואכן.
אין די זעלבע צייט זענען די תלמידי הישיבה זיך משתתף באבלו פונעם ראש הישיבה הגאון רבי שלום בער סורוצקין שליט"א, וועלכער האט היינט ל"ע באגלייט זיין מאמע ע"ה למנוחה נכונה, מיט די באטייליגונג פון די טויזענטער תלמידי הישיבה. באלד נאך די לוויה איז פארגעקומען א גרויסע מעמד קבלת פנים לכבוד דעם באפרייטן תלמיד הישיבה, אויף די גאסן פון ירושלים האבן די טויזענטער בחורים באגלייט דעם מסירת נפש בחור מיט פערד און א מלכות'דיגע אויפנאמע, און איינער פון די ראשי הישיבה האט געזאגט די ברכה פון שהחיינו בשם ומלכות.
