אויף מארגן זונטאג מיטאג איז געפלאנט א ריזן עצרת מחאה און עצרת תפילה ברחובות העיר ירושלים, נאכדעם וואס די ארטיגע פאליציי האט ארעסטירט א בחור פון די מירער ישיבה אין ירושלים, פארן איינציגן זינד פון זיך נישט שטעלן צום טריפה'נעם מיליטער.
על פי הוראת גדולי הדור, ובראשם די זקני ראשי הישיבות, הגאון הגדול רבי דוב לאנדא שליט"א, הגאון הגדול רבי משה הלל הירש שליט"א, און הגאון הגדול רבי אליעזר יהודה פינקל שליט"א ראש ישיבת מיר, וועלן די טויזענטער תלמידים פון ישיבת מיר זיך פארזאמלען אויף די ירושלימער גאסן, לענגאויס די שמואל הנביא גאס ביי כיכר זוועהיל און ארום נעבן די בניני הישיבה, וואו מען וועט מתפלל זיין און מעורר זיין רחמי שמים לביטול רוע הגזירה, און גלייכצייטיג ארויסהייבן דעם שטארקן קול מחאה קעגן די רדיפת הדת דורך די רשעי הציונים.
די עצרת איז באשטימט זיך אנצוהייבן צוועלף פופצן מיטאג, און וועט זיך פארציען פאר נאנט צו א שעה מיט פרקי תהלים און דרשות חיזוק והתעוררות.
