היינט איז באשטעטיגט געווארן מטעם בית כ"ק אדמו"ר מוויזניץ שליט"א לרפואה שלימה, אז דער רבי שליט"א וועט בעז"ה פראווענען די ימי החנוכה ברוב עם אין ביהמ"ד הגדול אין קרית וויזניץ בני ברק, טראץ וואס דער רבי געפונט זיך אין א שוואכן געזונט צושטאנד, און איז אנגעוויזן אויף רחמי שמים.
ווי באקאנט האלט זיך דער וויזניצער רבי שליט"א אויף אין א ספעציעלע שטילע אכסניא אין מושב אורה נעבן ירושלים, אין די צייט וואס דער רבי גייט אריבער פארשידענע באהאנדלונגען לצרכי רפואה, און איז היבש אפגעשוואכט פון קענען פירן די שבתים יעדע וואך תמידין כסדרן.
היינט איז באשטעטיגט געווארן אז אויף דעם קומענדיגן שבת קודש פרשת וישב וועט זיך דער רבי בעז"ה אומקערן אהיים למעון קדשו אין קרית וויזניץ ב"ב, און פראווענען די תפילות און טישן אין ביהמ"ד הגדול. דאס וועט נאכפאלגן מיט א געהויבענע וואך אינעם יו"ט פון חנוכה, ווען דער רבי וועט יעדע נאכט אריינקומען צום מעמד הדלקת נרות חנוכה אין ביהמ"ד הגדול, באלד נאכן זמן מעריב פינף דרייסיג אויפדערנאכט, און פראווענען די הייליגע מעמדים בשלהבת אש קודש.
די צווייטע נאכט חנוכה וועט דער רבי פראווענען די מעמד הדלקת הנרות אויף א פריוואטע פארנעם, בלויז מיט די בני המשפחה.
