א התרגשות'דיגע שמחת השבע ברכות איז פארגעקומען די וואך נאכן שמחת החתונה פון א אייניקל ביי כ"ק אדמו"ר מסאטמאר שליט"א, וואו עס זענען ספעציעל געלאדנט געווארן די צענדליגע יתומים פון די סאטמארע קהילה.
די שבע ברכות איז געווארן צוגעשטעלט דורך הנגיד החסיד ר' יואל לאנדא הי"ו, וואס האט צוגעשטעלט דעם שבע ברכות גאר עלעגאנט ביי זיך אין שטוב, מיט א ספעציעלע רייכע פראגראם פאר די חשובע קינדער. דער געהויבענער בעל שמחה כ"ק אדמו"ר מסאטמאר שליט"א האט מפאר געווען בראש און משמיע געווען דברי חיזוק ודברות קודש פאר די יתומים, און פערזענליך געוואונטשן יעדן איינעם מיט גרויס חביבות.
דער רבי שליט"א האט פארטיילט א שיינע סומע געלט פאר יעדן איינעם לכבוד חנוכה, און א ספעציעלע מתנת קודש "זמירות דברי יואל" אין וואס דער רבי שליט"א האט אריינגעשריבן א ווארעמע וואונטש בכתב יד קדשו מיט גרויס חביבות, אריינצובלאזן עמערס חיות צו קענען ווייטער אנגיין טראץ די שווערע אומשטענדן.
