חסידי וויזניץ האבן אויפגענומען מיט פרייד די מעלדונג מטעם בית כ"ק אדמו"ר מוויזניץ שליט"א פון וויליאמסבורג, אז אין די יעצטיגע טעג איז באשטעטיגט געווארן די פלענער איבער א מסע הקודש וואס דער רבי שליט"א וועט אונטערנעמען קיין אייראפע, צו פוקד זיין די קברי צדיקים קברי אבות, לקדושים אשר בארץ המה, אינאיינעם מיט פילע חסידים ואנשי מעשה.
די מסע הקודש איז באשטימט אויף ענדע חודש ניסן, באלד נאך יו"ט פסח הבעל"ט, און וועט זיך פארציען פאר עטליכע געהויבענע טעג, אריינגערעכנט א שבת מרומם וואס וועט געפראוועט ווערן אינעם הייליגן שטאט ליזענסק, סמוך ונראה צום ציון הק' פונעם רבן של ישראל דער הייליגער רבי ר' אלימלך פון ליזענסק זי"ע.
דינסטאג פרשת תזריע טהרה כ"ז ניסן וועט דער רבי שליט"א ארויספארן אויף די נסיעה, און זיך אומקערן אהיים זונטאג פרשת אחרי קדושים, נאכפאלגענדיג די געהויבענע שבת אין ליזענסק, שבת תזריע טהרה ראש חודש אייר. ווי פארשטענדליך גרייטן זיך פילע חסידים צו מיטהאלטן די געהויבענע נסיעה, און אזוי אויך די תלמידי הישיבה וואס האבן דעמאלטס בין הזמנים, און וועלן האבן די געלעגנהייט מיטצופארן מיטן רבי'ן צו פוקד זיין די קברי צדיקים, להיפקד בדבר ישועה ורחמים.
