שמחת בית סקווירא: היינט קומט פאר די שמחת האירוסין פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א לרפו"ש, די כלה א טאכטער פון זיין זון הרב יעקב יוסף טווערסקי שליט"א, איידעם ביי כ"ק אדמו"ר מבארניב שליט"א, מיט די חתן א זון פון הגה"צ ר' אלימלך ניישלאס שליט"א, זון פון הגה"צ אבד"ק סערדאהעלי ב"ב שליט"א, און איידעם ביי כ"ק אדמו"ר מנדבורנא אראד זצ"ל. – די שמחה קומט פאר אין ביהמ"ד הגדול אין שיכון סקווירא.
שמחת בית קאשוי: עס איז געשלאסן געווארן די שידוך פון א אייניקל ביי כ"ק אדמו"ר מקאשוי שליט"א, די כלה א טאכטער פון זיין זון הגה"צ ר' יואל בלום שליט"א אבד"ק ברכת שמים קאשוי מאנסי, איידעם ביי הגה"צ ר' יודל כ"ץ שליט"א אבד"ק ויצב אברהם מעלבארן אסטראליע, מיט די חתן א זון פון הגה"צ ר' יואל טירנויער שליט"א, זון פון הגה"צ ר' משה מנחם טירנויער זצ"ל דומ"ץ סאטמאר מאנטריאל, און איידעם ביי הגה"צ ר' זלמן לייב גראס שליט"א אבד"ק שארמאש וומס"ב.
עס איז געשלאסן געווארן די שידוך פונעם חתן א זון פון הגה"צ ר' אהרן זאבערמאן שליט"א, זון פון הגה"צ ר' משה צבי זאבערמאן זצ"ל, און איידעם ביי הגה"צ אבד"ק טארנאפאל שליט"א, מיט די כלה א טאכטער פון הגה"צ ר' עמרם ראזנער שליט"א, זון פון הגה"צ אבד"ק טערצאל שליט"א, און איידעם ביי הגה"צ אבד"ק מנחת חינוך טארטיקוב שליט"א.
כ"ק אדמו"ר מערלוי שליט"א קומט היינט אן צוגאסט קיין אלעד, אויף א לענגערע באזוך און א געהויבענע שבת בקרב חסידי ערלוי אין שטאט, היינט נאכט קומט פאר א מעמד קבלת פנים אין ביהמ"ד ערלוי אין אלעד.
כ"ק אדמו"ר מוויזניץ שליט"א פון בית שמש וועלכער האט געוויילט די לעצטע וואך צייט אין מאנסי לטובת מוסדותיו הקדושים, קערט זיך היינט צוריק למעון קדשו אין בית שמש.
היינט קומט פאר די יערליכע דינער אין וויליאמסבורג לטובת צדקת רבי מאיר בעל הנס כולל שומרי החומות, אין זאל פון קאנטינענטאל, אין שפיץ פון די אדמור"י ורבני העיר, אלס אורח הכבוד וועט אויפטרעטן דער חשובער גאסט פון ארץ ישראל כ"ק גאב"ד מאקאווא שליט"א.
היינט קומט פאר אין אנטווערפן די יערליכע דינער לטובת צדקת רבי מאיר בעל הנס כולל שומרי החומות, אין זאל פון כתר מלכות, אין שפיץ פון די אדמור"י ורבני העיר.
היינט קומט פאר אין מאנטריאל די יערליכע דינער לטובת צדקת רבי מאיר בעל הנס כולל שומרי החומות, אין שטוב פון הגה"צ ר' יוחנן וואזנער שליט"א ראב"ד סקווירא ודומ"ץ סקווירא מאנטריאל.
היינט קומט פאר די יערליכע דינער לטובת ביהמ"ד ראדאמסק אין בארא פארק, אינאיינעם מיטן סיום מסכת מנחות וואס ווערט געלערנט ביים טעגליכן שיעור אין ביהמ"ד, דורך הרה"ג ר' אלעזר ניסן רובין שליט"א. די מעמד קומט פאר אין זאל אנשי ספרד אין בארא פארק.
ככל חקת הפסח יעשו אתו:
היינט נאכט פסח שני וועלן פילע אדמורי"ם ורבנים אפרעכטן שולחנות הטהורות לכבוד היום.
כ"ק אדמו"ר מאמשינאוו ארה"ב שליט"א וועט אנקומען היינט קיין קרית יואל, און אפרעכטן דעם טיש לכבוד פסח שני אין שטוב פון הנגיד החסיד ר' אברהם ביקעל הי"ו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
