מטעם בית כ"ק אדמו"ר מקארלין סטאלין שליט"א איז געמאלדן געווארן אז דער רבי שליט"א וועט ארויספארן די וואך קיין ביתר עילית, אויפצונעמען די חסידים מיט קוויטלעך לקראת די הייליגע טעג, די ימי הרחמים והרצון הממשמשים ובאים.
ביי חסידישע אידן אין אלע דורות האט מען זיך געפירט אריינצוגיין צום רבי'ן בעפאר ראש השנה, זיך מזכיר זיין בפתקא ופדיון לקראת די נייע יאר, אין פילע חסידישע הויפן איז אפילו איינגעפירט אז די רביים פארן ארום צווישן די שטעט וואו די חסידים וואוינען, צו פארגרינגערן פאר די חסידים צו קענען אריינקומען, און נישט דארפן פארן א לאנגע וועג צום רבי'ן.
בחצר הקודש קארלין סטאלין איז ביז היינט נישט געווען איינגעפירט אז דער רבי זאל ארומפארן אין אנדערע שטעט אויפצונעמען די חסידים, און דאס יאר וועט כ"ק אדמו"ר מקארלין סטאלין שליט"א צום ערשטן מאל ארויספארן מביתו נאוה קודש אין גבעת זאב, פארן איינציגן צוועק פון קבלת קהל לימי הרחמים והרצון.
מארגן דינסטאג פרשת כי תבוא וועט דער רבי שליט"א אנקומען צום שטאט ביתר, און אויפנעמען די חסידים מיט קוויטלעך אינעם בנין המוסדות אין די גבעה עי געגנט, אזוי אויך וועט דער רבי שליט"א אנקומען א צווייטע מאל די וואך קיין ביתר, אויפצונעמען די חסידים מיט קוויטלעך לקראת די הייליגע טעג.
