שמחת בית סטראזשניץ – קליוולאנד – טשערקאס – סאלקא: היינט קומט פאר די שמחת החתונה פונעם חתן א זון פון הגה"צ ר' איתמר ראזענבוים שליט"א אבד"ק אור מרדכי טשעסנאט רידזש, זון פון כ"ק אדמו"ר מסטראזשניץ שליט"א, און איידעם ביי הגה"צ אבד"ק סאלקא שליט"א, מיט די כלה א טאכטער פון הגה"צ ר' דוד בעק שליט"א, זון פון כ"ק אדמו"ר מטשערקאס שליט"א, און איידעם ביי כ"ק אדמו"ר מקליוולאנד שליט"א.
שמחת בית זוועהיל – הארנסטייפל – לעלוב ניקלשבורג: היינט קומט פאר די שמחת החתונה פון א אייניקל ביי כ"ק אדמו"ר מזוועהיל ירושלים שליט"א, די חתן א זון פון זיין איידעם הגה"צ ר' חנני' יוסף דאנציגער שליט"א, זון פון הגה"צ ר' יחיאל דאנציגער שליט"א, זון פון כ"ק אדמו"ר מאלכסנדר זצ"ל בעל אמרי מנחם, מיט די כלה א טאכטער פון הגה"צ ר' שלמה פריעדמאן שליט"א, זון פון כ"ק אדמו"ר מהארנסטייפל שליט"א פון ביתר, און איידעם ביי כ"ק אדמו"ר מלעלוב ניקלשבורג שליט"א. – די שמחת החתונה קומט פאר אין זאל היכל הברכה אין שטאט ביתר.
היינט קומט פאר די שמחת החתונה פון א אייניקל ביי כ"ק אדמו"ר ממישקאלץ שליט"א פון ארה"ק, די כלה א טאכטער פון זיין זון הרב אליעזר בערגער שליט"א, איידעם ביי הגה"צ ר' שמואל דוד ראזענפעלד זצ"ל, זון פון כ"ק אדמו"ר ממפינסק קארלין זצ"ל בעל ארחות אהרן, מיט די חתן א זון פון הרב בנציון פישגרונד שליט"א משגיח ישיבת עץ חיים דבאבוב. – די שמחת החתונה קומט פאר אין זאל ארמונות פרידמאן אין בני ברק.
היינט קומט פאר די שמחת החתונה פונעם חתן א זון פון הגה"צ ר' ישעי' טווערסקי שליט"א, זון פון הגה"צ ר' יחיאל טווערסקי זצ"ל מלויעוו טשערנאביל, מיט די כלה א טאכטער פון הגה"צ ר' יחיאל לייפער שליט"א אבד"ק מיהאלאוויץ בית שמש, זון פון כ"ק אדמו"ר מנדבורנא אראד זצ"ל, און איידעם ביי הגה"צ ר' יעקב יוסף ווירצבערגער שליט"א אב"ד בארדיטשוב. – די שמחת החתונה קומט פאר אין די פארהאנד זאל אין בית שמש.
שמחת בית מעליץ – האלמין – קוסוב וויזניץ – סאסוב: היינט קומט פאר די שמחת התנאים פונעם חתן א זון פון הגה"צ ר' נחמן מאסקאוויטש שליט"א, זון פון כ"ק אדמו"ר ממעליץ שליט"א, און איידעם ביי כ"ק אדמו"ר מהאלמין שליט"א, מיט די כלה א טאכטער פון הגה"צ ר' ישראל קארנרייך שליט"א, זון פון כ"ק אדמו"ר מקוסוב וויזניץ שליט"א, און איידעם ביי כ"ק אדמו"ר מסאסוב שליט"א. – די שמחה קומט פאר אין ביהמ"ד קוסוב וויזניץ אין בית שמש.
היינט קומט פאר די שמחת הבר מצוה פון א אייניקל ביי כ"ק אדמו"ר מתולדות משה שליט"א, א זון פון זיין זון הרב שמואל יוחנן גראס שליט"א, אור אייניקל פון כ"ק אדמו"ר מהאלמין שליט"א. – די שמחה קומט פאר בביתו נאוה קודש פונעם זיידן כ"ק אדמו"ר מתולדות משה שליט"א אין ירושלים עיה"ק.
עס איז געשלאסן געווארן די שידוך פון א אייניקל ביי כ"ק אדמו"ר ממעליץ שליט"א, די חתן א זון פון זיין זון הגה"צ ר' אלחנן הורוויץ שליט"א אבד"ק ראפשיץ קרית יואל, מיט די כלה א טאכטער פון הגה"צ ר' נפתלי אלימלך רייך שליט"א אבד"ק בית משה אהרן פשעווארסק אנטווערפן, איידעם ביי כ"ק אדמו"ר מביטשקוב זצ"ל.
היינט קומט פאר די מעמד הכתרה אין שטאט געיטסהעד, לכבודו פון הגאון הגדול רבי ישראל נתן הלוי מאנטעל שליט"א, וועלכער ווערט אויפגענומען אלס מרא דאתרא פון די אידישע קהילה אין שטאט געיטסהעד, די מעמד קומט פאר אין די גרויסע לעזשער צענטער זאל מיט די באטייליגונג פון אלפי תושבי העיר, און דער זקן ראשי הישיבות באייראפע הגאון הגדול רבי אברהם גורוויץ שליט"א ראש ישיבת געיטסהעד.
כ"ק אדמו"ר מוויזניץ שליט"א וועלכער האט זיך אויפגעהאלטן די לעצטע פאר טעג אין לאנדאן בקרב חסידיו, וועט היינט ארויספארן קיין מאלויע שווייץ, וואו דער רבי וועט זיך אויפהאלטן די קומענדיגע זוממער חדשים אויף אפרוה.
כ"ק אדמו"ר מצאנז זוועהיל שליט"א וועלכער איז צוגאסט די טעג אין ארץ ישראל לרגל די שמחת החתונה פון א אייניקל, וועט היינט ארויספארן קיין גליל אינאיינעם מיט פילע חסידים, מתפלל זיין ביי די מקומות הקדושים אין מירון צפת און טבריה.
כ"ק אדמו"ר מניקלשבורג שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון הרה"ק בעל עטרת צבי מזידטשויב זי"ע, אין ביהמ"ד ניקלשבורג אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
