קומענדיגע וואך פרשת בא, וועט כ"ק אדמו"ר מפינסק קארלין שליט"א ארויספארן אויף א מסע הקודש קיין אונגארן, אין באגלייטונג פון הונדערטער חסידים נדיבי ותומכי המוסדות.
די מסע הקודש איז געווידמעט פאר די חסידים וואס שליסן זיך אן מיט קביעות'דיגע סכומים אונטערן נאמען "נציבי הזהב", אויפן סכום פון אכצן טויזענט דאללער א יאר, ארויסצוהעלפן די עקזיסטענץ פון די מוסדות הקדושים דחסידי פינסק קארלין בארץ הקודש.
די הויכפונקט פון די מסע הקודש וועט זיין א געהויבענע שבת אין שטאט קערעסטיר אין אונגארן, וואו דער רבי שליט"א וועט אפרעכטן די תפילות און טישן ברוב פאר והדר, אינעם היסטארישן שטאט סמוך ונראה צום ציון הק' פונעם הייליגן צדיק רבי ישעי'לע קערעסטירער זי"ע, און ביי א ספעציעלע מעמד תפילה וועט מען אויספועלן ישועות ורפואות, בני חיי ומזוני לכל עם ישראל ברוח ובגשם.
