שטייענדיג אנהייב פון די זוממער סעזאן ווען עס איז ליידער פארהאן ערנסטע פריצות אין פילע געגנטער אין ארץ ישראל, איז ערשינען א קריאה קדושה פון הרה"ג ר' אלעזר שטערן שליט"א גאב"ד אתרא קדישא מירון, און כ"ק אדמו"ר מנדבורנא צפת שליט"א וועלכער וואוינט בשכינות פון מירון, אז מען זאל זיין געווארנט נישט צו קומען קיין אתרא קדישא מירון מיט נישט צניעות'דיגע קליידער.
אינעם בריוו שרייבן די רבנים איבער די חיוב פון היטן אויף די קדושת המקום, נישט נאר אינעם גאנצן דערפל נאר אויך ביים עזרת הגברים ביים מערת הרשב"י, מען זאל חלילה נישט קומען מיט קורצע קליידער, און בפרט מיט אזעלכע קליידער וואס איז געמאכט צו גיין שווימען, נאך וואס מאנכע קומען ליידער צום ציון הק' פון רבי שמעון בר יוחאי בלויז פאר פארוויילונגס צוועקן און מען גיבט זיך נישט אכטונג. דעריבער זאל מען זיין געווארנט דערין און היטן די גדרי הקדושה אויפן פלאץ.
