פרייליכע נייעס איז געמאלדן געווארן אין די יעצטיגע טעג פאר חסידי בוהוש, אז די הנהלת המוסדות איז אריינגעשפרינגען אין א פרישע פראיעקט, אויפצובויען נאך צוויי שטאק אויף די עקזיסטירנדע בנין הישיבה דחסידי בוהוש, וואס געפונט זיך מיט פראכט אין די הויפטקוואטיר פון קהילת ומוסדות בוהוש אויף רחוב חגי אין בני ברק.
די ישיבות הקדושות דחסידי בוהוש, סיי די ישיבה קטנה און סיי די ישיבה גדולה, איז שטארק געוואקסן אין די לעצטערע יארן, די צאל תלמידים האבן זיך געמערט, און די ביז יעצטיגע בנין הישיבה איז שוין פון לאנג צר מהכיל, צו קענען אקאמאדירן די פילצאליגע בחורי חמד אין ישיבה גדולה.
אצינד איז אונטערגענומען געווארן א בוי פראיעקט, ארויפצובויען נאך צוויי שטאק העכער די בנין הישיבה אויף רחוב חגי, און דערמיט פילפאכיג פארגרינגערן דאס געדרענג אין די בנין הישיבה, די בוי ארבעט האט זיך שוין אנגעהויבן אין די לעצטערע טעג, און איז ערווארטעט צו פארענדיגט ווערן ביז עטליכע חדשים.
