אידישע קינדער בכל מקומות מושבותיהם ווערן געבעטן צו מתפלל זיין און מעורר זיין רחמי שמים לרפואת הרבנית הצדיקת מראחמיסטריווקא תליט"א, מחברתו הטהורה ועזרתו בקודש פון כ"ק אדמו"ר מראחמיסטריווקא זצ"ל, וועלכער איז היינט פארמיטאג געווארן אריינגעפירט אין שפיטאל זייענדיג אין א קריטישע געזונט צושטאנד ל"ע.
די רעבעצין תליט"א וועלכער איז ליידער נישט געזונט שוין א לענגערע צייט, איז פאר עטליכע חדשים געווען אין שפיטאל און דערנאך אין א ריהעב וואו די מצב האט זיך עטוואס פארבעסערט, מיט עטליכע וואכן צוריק איז די רעבעצין אהיימגעקומען אין א מזל'דיגע שעה, נאך וואס מען האט צוגערישט אינדערהיים מער מעגליכקייטן צו קענען באהאנדלען די רעבעצין אינדערהיים.
ליידער איז אבער היינט צופרי אנטשטאנען א ערנסטע פארערגערונג ווען עס איז אנטוויקלט געווארן א שווערע אינפעקציע ל"ע, און יעצט פארמיטאג האט מען אין איילעניש אריינגעפירט די רעבעצין אין שפיטאל זייענדיג אין א קריטישע צושטאנד רח"ל, כלל ישראל איז מתפלל לרפואת הרבנית מרים בת טראנא בתוך שאר חולי ישראל, והן קל כביר לא ימאס תפילת הרבים.
אין אלע בתי מדרשים דחסידי ראחמיסטריווקא איבער די וועלט האט מען זיך געשטעלט זאגן תהלים לרפואתה השלימה פון די הויכגעשעצטע רעבעצין תליט"א, אזוי אויך בהוראת הקודש פון כ"ק אדמו"ר מסקווירא שליט"א, איינציגער ברודער פון די רעבעצין תליט"א לרפו"ש, וועט מען אין אלע תלמודי תורה דחסידי סקווירא זאגן אצינד פרקי תהלים לרפואתה השלימה פון די ראחמיסטריווקא רעבעצין תליט"א, זי זאל האבן א גאנצע רפואה בבריות גופא ונהורא מעליא.
