שטייענדיג עטליכע חדשים נאך די היסטארישע חלוקת הירושה אין סאטמאר, ווען די אומשאצבארע ירושה פון כ"ק אדמו"ר הרה"ק בעל ברך משה מסאטמאר זצ"ל איז צוטיילט געווארן גלייך אויף גלייך צווישן זיינע חשובע זיהן, איז היינט פארקומען נאך א חלוקת ירושה, דאסמאל אויף די ווערדפולע זילבערווארג פונעם רבי'ן זצ"ל, וואס איז צוטיילט געווארן צווישן אלע זיבן קינדער, אריינגערעכנט די דריי טעכטער.

די מעמד חלוקת הירושה איז ווידער פארגעקומען אין שטוב פון הנגיד החסיד ר' ליפא פריעדמאן הי"ו אין מאנסי, מיט די באטייליגונג פון קינדער פון אלע יורשים, און משמשים בקודש פון די אדמורי"ם. מען האט איינגעטיילט אלע כלי כסף אין זיבן פעקלעך גלייך אויף גלייך. די ערשטע חבילה איז אויסגעקומען פאר הגה"צ גאב"ד סאטמאר ב"פ שליט"א, די צווייטע חבילה פאר הגה"צ גאב"ד סאטמאר מאנסי שליט"א, די דריטע חבילה פאר הגה"צ גאב"ד סאטמאר מאנטריאל שליט"א, די פערטע חבילה פאר כ"ק אדמו"ר מסאטמאר שליט"א, די פיפטע חבילה פארן עלטסטן זון כ"ק אדמו"ר מסאטמאר שליט"א, די זעקסטע חבילה פאר הגה"צ אבד"ק זענטא שליט"א, און די זיבעטע חבילה פאר הגה"צ אבד"ק סאטמאר 15 שליט"א.